Sońǵy aıda elimizde baspana baǵasy kúrt kóterilgen
Naýryzda turǵyn úıdi satyp alý, satý mámileleri artqan, dep habarlaıdy Almaty-akshamy.kz.
Ulttyq statısıka búrosynyń málimetinshe, 2022 jylǵy naýryzda turǵyn úıdi satyp alý-satý boıynsha 67801 mámile tirkelgen, bul aqpan aıymen salystyrǵanda 45,6% artyq.
Ótken aıda turǵyn úıdi satyp alǵandar ishinde Qaraǵandy oblysynyń turǵyndary belsendilik tanytqan, barlyǵy – 11444 mámile, odan keıin Nur-Sultan jáne Almaty qalalary, tıisinshe 8652 men 6613 shart. Mámile sany eń az bolǵan óńir – Soltústik Qazaqstan oblysy -1124.
«Qazaqstandyqtardy kóbine kóp páterli úılerdegi turǵyn úı qyzyqtyrǵan, barlyǵy – 49 844 mámile, jeke úıler boıynsha 17957 mámile jasalǵan. Kóp páterli úılerdegi bólmeler sany turǵysynan 2 bólmeli páterler sany basym, naýryzda olardyń 20003-i rásimdelgen»,-delingen habarlamada.
2022 jylǵy naýryzda turǵyn úıdi satyp alý-satý mámileleriniń sany ótken jyldyń tıisti aıymen salystyrǵanda 28,7% ósken. Óńirler arasynda mámilelerdiń ósimi Qostanaı oblysyna tıesili, ótken jylǵy naýryzben salystyrǵanda mámileler sany 2,2 esege artqan. Al turǵyn úıdi satyp alý-satýǵa degen qyzyǵýshylyq ótken jylǵy sáıkes aıymen salystyrǵanda Mańǵystaý oblysynda 32,1% tómendegen.
Aıta ketsek, sońǵy aıda elimizde baspana baǵasy kúrt kóterilgen.