Kólik júrgizýshisi kóz jumdy
Almaty oblysynda júk kóligi taý shatqalyna qulap, kólik júrgizýshisi mert boldy. Bul týraly Almaty-akshamy.kz oblystyń Tótenshe jaǵdaılar departamentiniń baspasóz qyzmetine silteme jasap habarlaıdy.
«9 sáýirde saǵat 15.30-da Almaty oblysynyń Tótenshe jaǵdaılar departamentine Eskeldi aýdany, Cherkasaı shatqalynda «Gaz-66» avtokóligi taý jolynan shatqalǵa aýdarylyp ketkeni týraly habarlama kelip tústi. 1969 jyly týǵan er adam oqıǵa ornynda qaza tapty, 1990 jyly týǵan azamat jaraqat aldy», - delingen habarlamada.