Marat Qarabaev Qazaqstan aýmaǵy arqyly shetel kólikteri kóp ótetinin habarlady.
Aqyly joldar nege kóbeıetinin kólik mınıstri túsindirdi, dep habarlaıdy Almaty-akshamy.kz
Kólik mınıstri Marat Qarabaev úkimet otyrysynan keıingi brıfıńte Qazaqstan aqyly joldar sanyn kóbeıtý týraly sheshimdi nelikten qabyldaǵanyn túsindirdi.
"Olar Qazaqstannyń joldaryn paıdalanǵany úshin aqy tóleýi kerek. Otandyq avtotasymaldaýshylarǵa kelsek, eger adam aqyly joldyń jaqyn aımaǵynda tursa, kólik nómiri jalpy málimetter bazasyna engiziledi. Aı saıynǵy tólem nebári 1000 teńge bolady. Al úlken júk kólikterinde abonent tólem júıesi bar", - dep túsindirdi mınıstr.
Qazaqstandaǵy joldardyń jalpy uzyndyǵy - 96 myń shaqyrym. Bul respýblıkalyq jáne jergilikti mańyzy bar avtomobıl joldary. Onyń 3,2 myń shaqyrymy ǵana aqyly joldar.
"Aqyly júıe birinshi kezekte tranzıt joldarǵa engizilip jatyr. Bizdiń joldar jaqsy bolǵanyn qalaımyz. Olardy kútip ustaý úshin qarajat kerek. Ony respýblıkalyq búdjetten, azamattardyń qaltasynan emes, sol kólikterden alamyz. Joldy paıdalanǵany úshin aqy alamyz. Nege balama joly joq? Óıtkeni mundaı joldardy salýǵa eki ese kóp qarjy kerek. Eger balama joldar qarastyrsaq, bul búdjetke orasan zor salmaq bolady. Búdjet salyq tóleýshilerdiń esebinen qalyptasady. Sondyqtan búdjetke túsetin júktemeni azaıtýǵa baǵyttalǵan", - dedi Kólik mınıstri.
28 qarashada QR Kólik mınıstri Marat Qarabaev eldegi aqyly avtomobıl joldary jelisin keńeıtý jospary týraly aıtty.