"Jańa Almaty" keshendi jospary aıasynda 70 myń turǵyn aýyz sýmen qamtamasyz etiledi
Almaty qalasy Naýryzbaı aýdanynyń ákimi Sanjar Toǵaı jergilikti atqarýshy organdar úshin bul birinshi kezektegi másele ekenin atap ótti. Ázirge halyqtyń tek 30%-y ǵana aýyz sýmen qamtamasyz etilgen, qalǵan 70%-y ashyq sý qoımalary men jeke uńǵymalardan sýdy paıdalanady, dep habarlaıdy Almaty-akshamy.kz
"Iá, jaz aılarynda aýyz sýdy arnaıy tehnıkamen turaqty qamtamasyz etetin sý tapshylyǵy týyndaıdy. Tıisti jumystar aıaqtalǵanǵa deıin osy qolaısyzdyqtarǵa túsinistikpen qaraýdy suraımyz", - dep shaqyrdy Naýryzbaı aýdanynyń ákimi.
Sanjar Toǵaı Aqjar, Shuǵyla, Tastybulaq, Taýjoly, Jaılaý, Qarǵaly, Quramys, Taýsamaly shaǵyn aýdandarynda káriz jelilerin tartý jáne Qarǵaly ózeninde súzgi stansıasynyń qurylysy boıynsha jumystar júrgizilip jatqanyn qosty. Jumystar tolyq aıaqtalǵannan keıin aýdannyń 70 myń turǵyny aýyz sýmen qamtamasyz etiledi.
Sonymen qatar, Sanjar Toǵaı Almaty qalasynyń ákimi Baqytjan Saǵyntaev aýdanǵa únemi baryp, sý qubyry jelileriniń qurylysy men Abaı dańǵylyn uzartý jumystaryn jeke baqylaıtynyn habarlady.
"Almaty ákiminiń tapsyrmasy boıynsha Naýryzbaı aýdanynda qoǵamdyq keńistikter men turǵyndar demalatyn oryndar jasalatyn bolady. "Shuǵyla" jáne "Qalqaman" shaǵynaýdandarynda, ákimshilik ortalyqtyń aldynda saıabaqtar ashý, sondaı-aq Qarǵaly ózeniniń jaǵalaýyn abattandyrý josparlanýda", - dep jalǵastyrdy Sanjar Toǵaı.
Halyqtyń ómir súrý sapasyn jaqsartý jáne jaıly ómir súrý ortasyn qalyptastyrý boıynsha jumys elektrlendirýdiń arqasynda jalǵasady.
"Shuǵyla", "Aqjar", "Taý samaly", "Qaraǵaıly" shaǵynaýdandarynyń turǵyndary elektr jaryǵynyń jıi óshýine qatysty birneshe ret shaǵymdandy. Qabyldanǵan sharalardyń arqasynda 123 shaqyrym elektr jelisi qalanyń komýnaldyq menshigine berildi jáne qazir úzilissiz jumys isteýde.