Jol jóndeý jumystary úlken qarqynmen júrgizildi
Bıyl Naýryzbaı aýdanynda 29 kóshede ortasha jóndeý jumystary aıaqtalyp, 19 shaqyrym jol asfálttaldy. Bul týraly Óńirlik komýnıkasıalar qyzmetiniń alańynda aýdan ákimi Sanjar Toǵaı málimdedi, dep habarlaıdy Almaty-akshamy.kz
"Osy maýsymda jol jumystary qarqyndy júrgizildi. Jyl basynan beri 28 000 sh.m shuńqyrlar jóndeýmen qamtylyp, 180 lúk pen tor kóterildi. Qyrkúıekte uzyndyǵy 2 km Alataý kóshesin eki baǵytqa tórt jolaqty qozǵalys arqyly tesý júzege asyryldy. Qonaev kóshesin keńeıtý aıaqtaldy. Abaı dańǵylyn uzartý jalǵasýda", - dep atap ótti Sanjar Toǵaı.
Ákimniń málimetinshe, Naýryzbaı aýdanynda 348 kóshe bar. Asfálttalǵandardyń úlesi 85% quraıdy. Injenerlik komýnıkasıalar (sý qubyry, káriz) qurylysy aıaqtalǵannan keıin barlyq kóshe-jol jelilerin asfálttaý josparlanýda.
Budan basqa, 100 kóshe (jalpy uzyndyǵy 114 km) trotýarmen qamtamasyz etildi. 2021 jyly uzyndyǵy 9 km 13 kóshege trotýar salyndy.
«Búdjetke qatysý» jobasy boıynsha 5 kóshede aryq jelileri salyndy, 34 kóshede aryq jelisiniń qurylysy bastaldy.
Sóziniń sońynda Sanjar Toǵaı Almaty qalasynyń ákimi Baqytjan Saǵyntaevtyń tapsyrmasy boıynsha aýdannyń 312 kóshesi tolyǵymen jaryqtandyrylǵanyn habarlady. Sonyń ishinde, bıyl «Búdjetke qatysý» jobasy boıynsha 6 baý-baqsha kóshesi men 47 jaıaý júrginshi joldary jaryqtandyryldy.