Aýdandaǵy 59 kósheni jaryqtandyrý kerek.
Almaty ákimi Erbolat Dosaev Naýryzbaı aýdany turǵyndaryn turaqty elektrmen qamtý úshin qandaı sharalar qabyldanǵany jaıynda aıtty, dep habarlaıdy Almaty-akshamy.kz.
«Premera» turǵyn úı kesheni men «Elıseıskıe polá» kotej qalashyǵynyń 3,4 km elektr jelisi men 10 transformatorlyq podstansıasy qyrkúıek aıynda «Alataý Jaryq Kompanıasy» aksıonerlik qoǵamynyń balansyna berildi. 2 426 abonentke jeke shottar ashyldy. Bul turǵyndarǵa naqty paıdalanǵan elektr energıasy úshin qalalyq tarıfpen (1 kVt úshin 20,7 teńge) tóleýge múmkindik beredi. 79 transformatorlyq podstansıaǵa kúrdeli jáne aǵymdaǵy jóndeý júrgizilip, 3,8 km elektr jelisi rekonstrýksıalandy», - dedi qala ákimi.
Erbolat Dosaevtyń aıtýynsha, "Aqjar", "Qaraǵaıly", "Tastybulaq", "Shuǵyla" shaǵynaýdandaryndaǵy 48 kóshege jáne magıstraldy kóshelerdegi 83 jaıaý júrginshiler ótkeline jaryq ornatyldy.
«Naýryzbaı aýdanyndaǵy ("Qaraǵaıly", "Rahat", "Tastybulaq" jáne "Shuǵyla" shaǵynaýdandary) qalǵan 59 kósheni jaryqtandyrý jumysyn 2023 jyly aıaqtaýdy josparlap otyrmyz», - dedi qala basshysy.