Búgin Almaty ákimi Erbolat Dosaev Naýryzbaı aýdany turǵyndarymen kezdesti.
Turǵyndarmen kezdesýde aýdannyń jol ınfraqurylymy men qoǵamdyq kólikti damytýda qandaı ister atqarylyp jatqany aıtyldy, dep habarlaıdy Almaty-akshamy.kz.
Buryn-sońdy asfált bolmaǵan "Aqjar" shaǵynaýdanynda jyl basynan beri jalpy uzyndyǵy 13 km bolatyn 27 kóshege asfált tóselýde. Búgingi tańda uzyndyǵy 6,7 km bolatyn 19 kóshe asfálttaldy. Qarasha aıynyń sońyna deıin taǵy 8 kóshede jumystar aıaqtalady.
"Aqjar" shaǵynaýdanynda jalpy uzyndyǵy 45 km bolatyn 89 kóshege jańadan jol salý josparlanǵan.
«Sondaı-aq 30 kóshedegi uzyndyǵy 23 km ortasha jóndeý jumystary aıaqtaldy. Qarasha aıynyń sońyna deıin uzyndyǵy 7 km taǵy 8 kóshe jóndeledi.
«Alma Sıtı-5» turǵyndarynyń ótinishterin eskere otyryp, ákimdik Alataý dańǵylyndaǵy magıstraldy jol arqyly turǵyn úıge ońaı jetý úshin 86 sotyq jer satyp alyp, jol saldy», - dedi qala basshysy.
Osy ýchaskede jańa №44 avtobýs iske qosyldy.
Sondaı-aq, bıylǵy qarasha aıynyń sońyna deıin Tóle bı kóshesiniń Alataý dańǵylynan Júnisov kóshesine deıingi bóliginiń qurylysy aıaqtalmaq. Iassaýı kóshesinen qala shekarasyna deıin 270 jer ýchaskesi alyp qoıýǵa jatady, onyń 59-y satyp alyndy jáne 93-i boıynsha jumys júrip jatyr.
«Turǵyndarǵa qyzmet kórsetý sapasy men jaılylyǵyn arttyrý maqsatynda 8 marshrýt uzartylyp, jańartyldy, sondaı-aq "Qalqaman", "Qaraǵaıly", "Shuǵyla" jáne "Abaı saıajaılary" shaǵynaýdandarynda 12 aıaldama kesheni ornatyldy», - dedi qala ákimi E.Dosaev.
Jaıaý júrginshiler qaýipsizdigin qamtamasyz etý úshin Shalápın men Sábdenov kóshelerinde retteletin eki baǵdarsham jáne jalpy aýdan boıynsha 86 jol belgisi ornatyldy.