Ásirese, joǵarǵy bóliginde emhanalardyń jetispeý máselesi ózekti bolyp tur.
Almaty qalasynyń ákimi Erbolat Dosaev búgin Naýryzbaı aýdanynyń jurtshylyǵymen kezdesti. Onyń barysynda aýdandaǵy densaýlyq saqtaý nysandarynyń jetispeýshiligi máselesi aıtyldy, dep habarlaıdy Almaty-akshamy.kz.
Aýdan halqynyń jyl saıyn 10-12 myń adamǵa ósetinin eskere otyryp, qala ákimdigi 2 jańa emhana (500 kelýshige arnalǵan) jáne 1 otbasy-dárigerlik ambýlatorıa (200 kelýshige arnalǵan) salýdy josparlaýda.
«Búgingi kúni "Quramys" shaǵynaýdanynda 500 kelýshige arnalǵan emhananyń jobalaý-smetalyq qujattamasy ázirlendi, 2023 jyldyń qańtarynda memlekettik saraptamanyń oń qorytyndysyn alý, 2023 jyldyń II toqsanynda qurylys-montajdaý jumystaryn bastaý josparlanǵan», - dedi qala basshysy Erbolat Dosaev.
"Shuǵyla" shaǵynaýdanynda 500 kelýshige arnalǵan jańa emhana salý úshin jer ýchaskesin resimdeý jáne jobalaý-smetalyq qujattamany ázirleýge konkýrs jarıalaý úshin qujattama daıyndalýda.
«Sondaı-aq, osy jyldyń sońyna deıin "Aqjar" shaǵynaýdanynda 200 kelýshige arnalǵan 1 dárigerlik ambýlatorıanyń jobalaý-smetalyq qujattamasyn ázirleý aıaqtalady, qazirgi ýaqytta ol memlekettik saraptamanyń qaraýynda. Qurylysty memlekettik saraptamanyń oń qorytyndysyn alyp, konkýrstyq prosedýralardy ótkizgennen keıin, 2023 jyldyń II toqsanynda bastaý josparlanǵan», - dedi qala ákimi E.Dosaev.