«Jańa Almatyny» damytýdyń Keshendi josparyn júzege asyrý qarqynyn balqylaý barysynda Naýryzbaı aýdanynyń ákimi Sanjar Toǵaı jańa joldar salý jáne qoldanystaǵy joldardy jóndeý týraly aıtyp berdi dep habarlaıdy almaty-akshamy.kz
Naýryzbaı aýdanynda jalpy uzyndyǵy 289 km bolatyn 348 kóshe, bıyl jalpy uzyndyǵy 19 km bolatyn 29 kóshege, onyń ishinde Tastybulaq shaǵyn aýdanynda jalpy uzyndyǵy 13 km bolatyn 18 kóshege asfált tóseý jumystary tolyq kólemde aıaqtaldy.
2021 jyldyń basynan 28 myń sharshy metr joldyń shuńqyrlary jóndeldi. Kelesi jyly joldardy ortasha jóndeý jáne uzyndyǵy 35 km 53 kóshege asfált tóseý josparlanýda.
Dóńgelek ústel barysynda kólik qatynasyn jaqsartý týraly aıtyldy. Atap aıtqanda, Abaı dańǵylyn tesý máselesi talqylandy. Sanjar Toǵaıdyń habarlaýynsha, Momyshuly kóshesinen qala shekarasyna deıin jalpy uzyndyǵy 4,7 km bolatyn alty jolaqty jol salý qarastyrylǵan, onyń ár jaǵynan trotýarlar men velosıped joldary bar.
Qazirgi kezde Áshimov kóshesiniń qıylysynda kólik aıryǵynyń qurylysy aıaqtalyp, qaraǵaly ózeni arqyly ótetin kópirdiń qurylysy jalǵasýda. Búgingi kúni paıdalanýǵa berilgen ýchaskeden Áshimov kóshesine deıingi joldyń júrý bóligine, trotýarlarǵa jáne velojoldarǵa asfált tóselýde.
Sanjar Toǵaı bıyl aýdanda qarqyndy jumystardyń júrgizilgenin, Taýsamaly kentindegi bıyl uzyndyǵy 1,2 km bolatyn Qonaev kóshesin Iassaýı kóshesinen Rysqulov kóshesine deıin rekonstrýksıalaýdyń aıaqtalǵanyn aıtty.
«Bul ýchaskede joldyń júrý bóligine, trotýarlar men velojoldarǵa asfált tóseldi. Syrtqy jaryqtandyrý jelileri ornatyldy, jol belgileri men baǵdarshamdardy ornatý jumystary júrgizilýde, gazon jasaldy. Kúzgi aǵash otyrǵyzýdy uıymdastyrý josparlanýda. Osy aıda jumystardy tolyq aıaqtaýdy josparlap otyrmyz», - dedi Sanjar Toǵaı.
Qyrkúıek aıynda tórt jolaqty, uzyndyǵy 2 shaqyrym bolatyn Sábdenov kóshesinen Raıymbek dańǵylyna deıin Alataý kóshesin úńgileý aıaqtaldy. Sondaı-aq, velosıped joldary jabdyqtalady.
Naýryzbaı aýdanynda qazirgi kezde uzyndyǵy 4,9 km toǵyz kóshede jol qurylysy aıaqtalyp qaldy, uzyndyǵy 1,2 km tórt kóshe men tuıyq kóshelerge asfált tóseletin bolady. Sondaı-aq Aqjar shaǵyn aýdanynyń 89 kóshesinde, Shuǵyla shaǵyn aýdanynyń 26 kóshesinde jol qurylysyna jobalyq-smetalyq qujattama ázirlenýde jáne Tóle bı kóshesin úńgileý jobasy ázirlendi.
Sóziniń sońynda Naýryzbaı aýdanynyń ákimi kóshelerdi jaryqtandyrý máselesin sheshý týraly aıtyp berdi. Bıyl 312 kósheni jaryqtandyrý boıynsha jumystar oryndaldy. Sondaı-aq, 59 kóshede syrtqy jaryqtandyrý jelilerin tartý josparlanýda.