UIPM: Qazirgi bessaıys baǵdarlamasynan at sporty alynady
Halyqaralyq qazirgi bessaıys odaǵy 2028 jyly Los-Andjeleste ótetin jazǵy Olımpıada oıyndarynda qazirgi bessaıys baǵdarlamasynan at sporty alynatynyn málimdedi, dep habarlaıdy Almaty-akshamy.kz
«Tokıo Olımpıadasyndaǵy jaǵdaıdan soń, biz bul máseleni jaqsylap zerttedik. Nátıjesinde, ótken aptada Monakoda ótken eki kúndik kezdesý kezinde komısıanyń sheshimine súıene otyryp, konkýrdy basqa sport túrimen almastyratyn boldyq» - delingen habarlamada.
Mundaı sheshim qabyldaýǵa Tokıo Olımpıadasynda jylqyny uryp jibergen germanıalyq bapkerdiń áreketi sebep bolǵan. Keıin belgili bolǵandaı, jattyqtyrýshy janýardy sekirmegeni úshin jazalaǵan.
Konkýr 2028 jylǵy Olımpıada oıyndaryna deıin almastyrylady. Jańa format Parıj oıyndarynan keıin tanystyrylady. Ázirge, konkýrdyń ornyna qandaı baǵdarlama keletini belgisiz.
Qazirgi bessaıys 1912 jyldan beri Olımpıada oıyndarynyń baǵdarlamasyna engen. Jarys baǵdarlamasyna semserlesý, júzý, konkýr jáne lazer-ran kiredi.