Bul toptyń munyń aldyndaǵy án jınaǵy «The Visitors» degen atpen 1981 jyly shyqqan.
Shvedtik pop-toby ABBA aldyńǵy álbomynan 40 jyldan keıin Voyage atty jańa álbomyn shyǵardy, dep habarlaıdy Almaty-akshamy.kz Lenta.ru saıtyna silteme jasap.
Sany boıynsha toǵyzynshy stýdıalyq jańa álbomǵa on trek kiredi. 2022 jyldyń kókteminde top Londondaǵy konsertinde jańa shyǵarylymyn usynady. Toptyń barlyq músheleri kórermender aldynda óner kórsetedi, sonymen qatar jas Agneta Feltskog, Born Ýlveýs, Bennı Andersson, Annı-Frıd Lıngstadtyń sóıleıtin gologrammlary shyǵady.
1972 jyly qurylǵan shvedtik ABBA toby on jylǵa jýyq sahnada óner kórsetken. Toptyń repertýaryndaǵy Dancing Queen, Super Trouper jáne Mamma Mia hıtterin kezinde álem halqy birge shyrqaǵan. Top músheleri 1974 jyly «Evrovıdenıe» án baıqaýynda jeńiske jetkennen keıin halyqaralyq deńgeıde tanyldy.
Shvedtik pop-toby ABBA 1972—1982 jyldar aralyǵynda dúnıe júzine tanymal bolǵan jáne jumystaryn 2018 jyldan beri jalǵastyryp kele jatqan top. Ujymnyń ataýy top músheleri Agneta Feltskog, Born Ýlveýs, Bennı Andersson, Annı-Frıd Lıngstadtyń esimderiniń bas áripterinen qoıylǵan.