Bul problemany sheshý úshin 2 sý jınaý qurylǵysynyń, 104,2 km ınjenerlik jeliniń qurylysy qarqyndy júrip jatyr.
Sondaı-aq nasos stansıalary bar qosymsha magıstraldy sý qubyryn jobalaý bastaldy, dep habarlaıdy Almaty-akshamy.kz
Naýryzbaı aýdanynda qazirgi ýaqytta 2 sý jınaý qurylǵysynyń, 104,2 km ınjenerlik jeliniń qurylysy qarqyndy júrip jatyr, sondaı-aq nasos stansıalary bar qosymsha magıstraldy sý qubyryn jobalaý bastaldy.
Anyqtama úshin: 5 shaǵynaýdanda ("Jaılaý", "Qarǵaly", "Quramys", "Tastybulaq", "Taýjoly") uzyndyǵy 195 km (50%-de 50%) sý qubyry men kanalızasıa jelileri salyndy.
Qarǵaly sý jınaǵyshy boıynsha jumystar 92% aıaqtaldy, ony 2023 jyldyń kókteminde aıaqtaý josparlanǵan. Sý jınaǵyshtyń ózin 2023 jyldyń maýsym aıynda paıdalanýǵa beremiz. Obektini iske qosý óndiristik qýatty táýligine 15 myń tekshe metrge deıin 2 ese arttyrýǵa múmkindik beredi. Nátıjesinde "Qaraǵaıly", "Quramys" jáne "Taýsamaly" shaǵynaýdandaryna úzdiksiz sapaly sý beriletin bolady.
Aqsaı sý jınaǵyshy boıynsha jer qazý jumystary júrip jatyr. Bul nysandy 2025 jyldyń III toqsanynda paıdalanýǵa berý josparlanǵan jáne 100 myń turǵyndy aýyz sýmen qamtamasyz etýge múmkindik beredi.
Aqjar sý jınaǵyshy iske qosylǵanǵa deıin "Aqjar" shaǵynaýdanynyń turǵyndaryn balamaly túrde sýmen qamtamasyz etý úshin Qazaq Stroy osy jyldyń qyrkúıek aıynda jańa magıstraldy sý qubyryn jobalaýǵa kiristi. Ony 2023 jyldyń maýsym aıynyń sońyna deıin salyp bitirýdi josparlap otyr. Bul 35 myń adamdy sýmen qamtamasyz etedi.
"Taýsamaly", "Shuǵyla" shaǵynaýdandarynda jáne "Aqjar" shaǵynaýdanynyń 20 kóshesine josparlanǵan 104,2 km jeliniń 79,6 shaqyrymy (53,1 km sý qubyry jáne 26,5 km kanalızasıa) salyndy. Qalǵan 24,6 km 2023 jyldyń maýsym aıyna deıin aıaqtalady.
Sondaı-aq "Qaraǵaıly", "Tastybulaq" shaǵynaýdandary jáne "Aqjar" shaǵynaýdanynyń qalǵan 30 kóshesi boıynsha 267 km jeli (135 km sý qubyry jáne 132 km kanalızasıa) salý úshin jobalaý-smetalyq qujattamany ázirleý jumystary aıaqtalyp keledi.
Bıylǵy qarasha aıynda "Aqjar" jáne "Qaraǵaıly" shaǵynaýdandary boıynsha jobalaý-smetalyq qujattama memlekettik saraptamaǵa jiberiledi. Saraptamanyń oń qorytyndysy alynǵannan jáne konkýrstyq rásimder ótkizilgennen keıin qurylysty 2023 jyldyń II toqsanynda bastaý josparlanǵan.
Tastybulaq boıynsha jobalaý-smetalyq qujattama 2023 jyldyń naýryz aıynda saraptamaǵa jiberiledi.
Magıstraldy sý qubyryndaǵy turaqty avarıalardyń saldarynan "Shuǵyla" shaǵynaýdanyndaǵy «Nurly dala» kesheni turǵyndarynyń sýmen turaqty qamtamasyz etilmeýi jeke problema bolyp otyr. Bul problemanyń tamyry tereńde jatyr. 2019 jyly merdiger uıym «Almaty InjStroı» jańa sý qubyr jelilerin júrgizý kezinde bolat qubyrlardy dıametri 600 mıllımetr (uzyndyǵy 5 km) shyny-plastık qubyrǵa aýystyrǵan, olardy paıdalaný kezinde apattar jıi oryn aldy. 2019 jyldan bastap osy ýchaskede 28 apat tirkelgen (bıyl 15 aapat). Atalǵan problemany sheshý úshin Almaty qalasynyń ákimdigi ýaqytsha sý qubyryn júrgizý týraly sheshim qabyldady.
Bul rette, ákimniń tapsyrmasymen 19 qazanda merdiger uıym Qazaq Stroy «Nurly dala» turǵyn úı keshenin turaqty sýmen jabdyqtaý úshin uzyndyǵy 400 metr (100 metri salynyp qoıdy), dıametri 325 mıllımetr ýaqytsha sý qubyryn júrgizýge kiristi. Jumystardy osy qarasha aıynyń sońyna deıin aıaqtaý josparlanǵan. Bul maqsatqa Almaty qalasy ákimdiginiń rezervinen 102 mln. teńge bólindi.
Sondaı-aq, merdiger uıym «Almaty InjStroıǵa» qatysty tıisti materıaldar qylmystyq is qozǵaý úshin quqyq qorǵaý organdaryna berildi.