Naýryzbaı aýdanynda sporttyq ınfraqurylymdy jaqsartý maqsatynda Aqjar jáne Shuǵyla shaǵyn aýdandarynda 2 dene shynyqtyrý-saýyqtyrý keshenin salý úshin jobalaý-smetalyq qujattama ázirlenegeni týraly málimdedi qala ákimi E.Dosaev aýdan turǵyndarymen kezdesýinde, dep habarlaıdy Almaty-akshamy.kz.
«2024 jyldyń İ-shi toqsanynyń sońyna deıin jobalaý-smetalyq qujattamany ázirleýdi aıaqtap, memlekettik saraptamanyń oń qorytyndysyn alýdy josparlap otyrmyz. Qurylys jumystary shamamen 2024 jyly mamyr aıynda bastalady», -dedi qala ákimi.
Dene shynyqtyrý-saýyqtyrý keshenderinde ártúrli sport túrleri (oıyn túrleri, baseın, jekpe-jek, boks, kúres jáne t.b.) boıynsha sport seksıalary qarastyrylatyn bolady. Ár keshenniń ótkizý qabileti kúnine keminde 500 adamdy quraıdy. Bul rette sport keshenderi erekshe qajettilikteri bar adamdarǵa beıimdeletin bolady.