Naýryzbaı aýdanynda 500 adam keletin 2 jańa emhana jáne 1 dárigerlik ambýlatorıa salý josparlanýda.
Quramys shaǵyn aýdanyndaǵy birinshi emhana boıynsha jobalaý-smetalyq qujattama ázirlengen. Osy jyldyń sońyna deıin memlekettik saraptamanyń oń qorytyndysyn alyp, konkýrstyq rásimder ótkizilgennen keıin qurylysty 2024 jyldyń sáýir aıynda bastaý josparlanyp otyrǵanyn málimdedi Almaty qalasynyń ákimi E.Dosaev Naýryzbaı aýdany turǵyndarymen kezdesýinde, dep habarlaıdy Almaty-akshamy.kz.
«Shuǵyla shaǵyn aýdanyndaǵy ekinshi emhana boıynsha jobalaý-smetalyq qujattama ázirlenýde. 2024 jylǵy naýryzda memlekettik saraptamanyń oń qorytyndysyn alyp, konkýrstyq rásimder ótkennen keıin qurylysty 2024 jylǵy maýsymda bastaýdy josparlap otyrmyz», -dedi qala ákimi.
Osy jylǵy shilde aıynyń basynda Aqjar shaǵyn aýdanyndaǵy 200 oryndyq dárigerlik ambýlatorıanyń jobalaý-smetalyq qujattamasyn ázirleý bastaldy. 2024 jyly naýryzda memlekettik saraptamanyń oń qorytyndysyn alýdy jáne konkýrstyq rásimder ótkennen keıin qurylysty 2024 jyldyń mamyrynda bastaýdy josparlanǵan.