TikTok-ta Naýryz týraly beınerolıkter 120 mıllıonnan asa qaralym jınady. Onlaın-festıval Qazaqstan Respýblıkasy Mádenıet jáne sport mınıstrliginiń, «Kazakh Tourism» UK AQ jáne tanymal kontent avtorlarynyń qoldaýymen ótti.
«Biz Qazaqstandaǵy iri qaýymdastyqpen birge Naýryz merekesin atap ótip, jarqyn jáne ásem onlaın-festıval alańyna aınalǵanymyzǵa óte qýanyshtymyz. TikTok-ty merekeniń barlyq túsimen, onyń áýenderimen, dámi til úıiretin taǵamdarymen, bılerimen jáne keremet kóńil-kúıimen toltyrǵany úshin qoldanýshylarymyzǵa raqmet! Sizderdiń arqalaryńyzda búkil álem boıynsha Qazaqstannyń mádenıeti qanshalyqty ádemi jáne biregeı ekeni týraly barynsha kóp adam bile alady», – dep pikir bildirdi TikTok-tyń Shyǵys Eýropa men Ortalyq Azıadaǵy Operasıalyq bóliminiń basshysy Ekaterına Blınes.
İs-shara aıasynda úzdik beınerolıkterdiń jeńimpazdary anyqtaldy. Jeńimpazdar Qazaqstannyń eń sulý mekenderine saıahattady.
Qoldanýshylar naýryzkóje, dámi til úıiretin asylǵan et pen qýyrdaq, baýyrsaq jáne basqa da erekshe merekelik taǵamdardyń reseptin belsendi bólisti. Qazaqstandyqtar elimizdiń túkpir-túkpirindegi merekelerden reportaj júrgizdi, halyqtyq merekelerdi kórsetip, ózderi de qatysty. Kontent avtorlary merekeniń tarıhy, onyń dástúrleri týraly áńgimelep, dástúrli kıimder men zergerlik buıymdardyń sulýlyǵyn kórsetti jáne, árıne, platformany ulttyq mýzykamen toltyrdy. Merekeniń basty mýzykalyq trendteriniń biri dástúrler men zamanaýı motıvterdi úılestiretin «Qamajaı» qazaq halyq ániniń remıksinde bı boldy.