Úkimet Memleket basshysynyń bastamasymen 2025 jyldy Jumysshy mamandyqtary jyly dep jarıalaý aıasynda tehnıkalyq mamandardy qoldaýǵa arnalǵan jańa sharalardy júzege asyrýda. Osyǵan oraı, Otbasy Banki «Naýryz jumysker» turǵyn úı baǵdarlamasyn iske qosty. Bul baǵdarlama arqyly elimizdegi jumysshy mamandyq ıeleriniń baspana máselesi sheshimin tabatyn bolady, dep habarlaıdy aqshamnews.kz
«Naýryz jumysker» baǵdarlamasy óndiris, energetıka, kólik, aýyl sharýashylyǵy jáne sý resýrstary salasynda jumys isteıtin mamandarǵa arnalǵan. Bul bastama aýyr jáne jaýapty eńbektiń qoǵam úshin mańyzdylyǵyn eskere otyryp qabyldanǵan.
- Nesıe kólemi: bıyl 72 mlrd teńge kóleminde qarajat bólinip, 2 440 nesıe beriledi.
- Ótinimder qabyldaý merzimi: 2025 jyldyń 17 naýryzy.
- Syıaqy mólsherlemesi:
- Áleýmettik osal toptar úshin – 7% (JTSM 7,1%-dan 9,6%-ǵa deıin).
- Basqa sanattar úshin – 9% (JTSM 9,4%-dan 13%-ǵa deıin).
- Bastapqy jarna:
- Taza árleýdegi jańa turǵyn úı úshin – 10%.
- Árlenbegen jańa úı nemese qaıtalama naryqtaǵy úı úshin – 20%.
- Nesıeniń eń joǵary somasy:
- Oblystar úshin – 30 mln teńge.
- Astana men Almaty qalalary úshin – 36 mln teńge.
«Naýryz jumysker» baǵdarlamasymen qatar, Otbasy banki otandyq kásiporyndarmen birlesip «korporatıvtik» ónimdi iske qosady. Bul mehanızm arqyly kásiporyndar óz qyzmetkerlerine nesıe berý úshin arnaıy qarajat bóledi.
«Otbasy banki» AQ Basqarma tóraǵasy Lázzat Ibragımova jumysshy mamandardyń el úshin mańyzdylyǵyn atap ótti:
«Metalýrgter, kenshiler, elektrıkter, tas qalaýshylar jáne basqa da aýyr jumys atqaratyn mamandar bizdiń negizgi qajettilikterimizdi qamtamasyz etip otyr. Olardyń baspana máselesin sheshý – qıyn eńbek jaǵdaılarynyń ornyn toltyrý úshin jasalǵan mańyzdy qadam».
«Naýryz jumysker» turǵyn úı baǵdarlamasy arqyly jumysshy mamandyq ıelerine memleket tarapynan qoldaý kórsetilip, olardyń ómir sapasyn arttyrýǵa jaǵdaı jasalady. Bul bastama eldegi áleýmettik ádilettilikti nyǵaıtyp, eńbek adamdarynyń bedelin kóterýge úlken úles qosady.