16 qyrkúıekte Almatydaǵy IýNESKO Óńirlik keńsesi Qazaqstan Respýblıkasynyń Memlekettik ortalyq mýzeıimen birlesip «Sýasty mádenı murasy» fotokórmesin ashty, dep habarlaıdy aqshamnews.kz.
Búginde tarıhı jáne mádenı eskertkishterdi saqtaý men zertteýde mýzeıler basty ról atqarady. Qazaqstan Respýblıkasynyń Ortalyq mýzeıi elimizdiń jetekshi mekemesi retinde Qazaqstannyń ǵana emes, dúnıejúzilik tarıhı jáne mádenı eskertkishterin saqtaýǵa, zertteýge jáne nasıhattaýǵa baǵyttalǵan baǵdarlamalardy júzege asyrýda.
Almatydaǵy IýNESKO Óńirlik keńsesiniń dırektory Amır Pırıch myrza: «Búgin biz halyqtyń, mýzeıge kelýshilerdiń, ásirese jastardyń nazaryn jalpy mádenı murany qorǵaý máselelerine aýdarǵymyz keledi. Mádenı murany birlesip zerdeleý jáne qorǵaý – bul bizdiń adamdar sanasynda beıbitshilik ornatý jolyndaǵy qadamymyz!» – dedi kórmeniń ashylýynda.
Ortalyq mýzeı qala qonaqtary men turǵyndaryn sýasty mádenı qundylyqtaryn kórsetetin biregeı kórmeni tamashalaýǵa shaqyrady.
Almatyda «Sýasty mádenı murasy» fotokórmesi ashyldy
- Avtor aqshamnews.kz
- 14:15, 17 qyrkúıek 2024
QR Mádenıet jáne aqparat mınıstrligi