Qalalyq PD esirtki qylmysyna qarsy kúres bólimshesiniń málimetinshe, esirtki qylmysyn jasady degen kúdikpen ishki ister organdarymen izdeýde júrgen azamattarǵa qatysty sýretter jarıalandy, dep habarlaıdy Almaty-akshamy.kz Polisia.kz
«Esterińizde bolsa, azamattardy BAQ pen áleýmettik jeliler arqyly qylmyskerlerdi izdeýge tartý tájirıbesi alǵash ret birneshe jyl buryn paıda bolǵan. Uzaq ýaqyt boıy qalta urylarynyń sýreti jańartylyp keldi. Jedel ýákilder qoǵamdyq oryndarǵa “Ury uıyqtamaıdy” aıdarymen qalta urylary beınelengen aqparattyq plakattardy japsyrǵan. Aıtpaqshy, bul qoǵamdyq shara oń áserin tıgizdi: keıbir jeńil aqshaǵa qumarlar týystary men dostarynyń aldynda uıalǵandyqtan ǵana urlaýdy qoıdy. Búginde bir emes, birneshe adamnyń ómirin qıǵan esirtki qylmyskerleri osyndaı mehanızmmen jarıa etildi. Azamattardyń beı-jaı qalmaýy jáne izdeýde júrgen adamdardyń júrgen jeri týraly málimetterdi bilgen jaǵdaıda bul týraly polısıaǵa habarlaýy óte mańyzdy. Qylmyskerlerdi qolǵa túsirý – ýaqyt enshisinde», – dedi Almaty qalalyq polısıa departamenti bastyǵynyń orynbasary Dıdar Ahanov.