Parlament Senatynyń deputattary palata otyrysynyń ekínshí oqylymynda «Kásíptík bílíktílík turaly» zańdy qarap, osy zańdy jáne oǵan ílespe zańnamaǵa túzetulerdí maqūldady, dep habarlaıdy almaty-akshamy.kz
Būl Zań Memleket basshysynyń 2022 jylǵy 1 qyrkúıektegí Qazaqstan halqyna Joldauynda aıtylǵan tapsyrmasyn oryndau maqsatynda ázírlendí. Qūjat Ūlttyq bílíktílík júıesín damytuǵa baǵyttalǵan, onyń negízgí maqsaty standarttardy ázírleu, jūmys berushíler tarapynan «ómír boıy» alynǵan kásíptík bílíktílíkterdí baǵalau jáne tanu arqyly eńbek naryǵy men kadrlar dayarlau júıesí arasyndaǵy ózara baılanysty nyǵaıtu bolyp tabylady.
Zańdy qabyldau jastardyń eńbek naryǵyndaǵy ózgerísterge beıímdeluín jedeldetuge jáne jańa daǵdylar men qūzyretterdí ıgeruge yntalandyruǵa múmkíndík beredí.
Qajettí daǵdylar men qūzyretter boıynsha talaptar salalyq memlekettík organdar ázírleıtín jáne bekítetín kásíbı standarttarda qamtylady. Búgíngí tańda 2689 kásíptí qamtıtyn 623 kásíptík standart bar. Olarda belgílengen talaptar negízínde bílím beru ūıymdary bílím beru baǵdarlamalaryn ázírleıdí. Osylaısha, jūmys berushílerdíń talaptaryna sáıkes keletín kadrlardy dayarlau qamtamasyz etíledí.
Zańnyń mańyzdy novellasy – óz betínshe ıgerílgen daǵdylardy, sondaı-aq formaldy emes jáne ınformaldy bílím beru nátıjelerín tanu. Yaǵnı, eger olar kásíptík bílíktílíkterín moıyndaudan ótken jaǵdaıda, óz betínshe oqyǵan adamdarǵa nemese túlekterge jūmys ótílíne talaptar qoımaı jūmysqa ornalasuǵa múmkíndík beríledí.
Azamattar tıístí ortalyqtarda kásíptík bílíktílígíníń bar ekendígín rastaıtyn qūjatty ala alady jáne eger būl kásíptík standartta kózdelse, ony bílím turaly dıplommen teń jūmysqa ornalastyru kezínde paıdalana alady.
Sondaı-aq, zańda kásíptík bílíktílíktí tanu júrgízíletín kásípter tízbesín qalyptastyru kózdeledí. Atalǵan tízílímdí júrgízudí Ūlttyq bílíktílík júıesíníń tsıfrlyq platformasynda júzege asyru josparlanuda, al tízílímge engízu úshín ūsynystardy memlekettík organdar men salalyq keńester engízetín bolady.
Dárígerler, qarjy audıtorlary jáne basqalar sıyaqty retteletín mamandyqtar boıynsha sertıfıkattardyń míndettí bolu talaptary belgílengenín atap ótken jón. Ózge kásípter boıynsha túlekter men jūmyskerler zańǵa sáıkes jūmys berushíler tarapynan úlken sūranysqa ıe bolu úshín óz bílíktílíkterín óz erkímen rastaı alady.
Sonymen qatar zańda jūmysshylar men jūmys berushílerdí kásíptík bílíktílíktí tanu júıesíne kíruge yntalandyru boıynsha bírqatar sharalar qarastyrylǵan, mysaly, olar jūmysshylarǵa ártúrlí kepíldíkter men jeńíldíkter engízu nemese bílíktílíktí tanudyń vaucherlík-moduldík júıesí.
Būdan basqa ŪBJ basqarudyń úsh deńgeılí modelí qalandy:
Bírínshí deńgeı – Ūlttyq kásíptík bílíktílík keńesí, ol ŪBJ-ny strategıyalyq basqaruǵa jauapty bíryńǵaı sheshím qabyldau ortalyǵyna aınalady.
Ekínshí deńgeı – memlekettík organdar janyndaǵy kásíptík bílíktílík jóníndegí salalyq keńester. Olar óz salasyn kásíbı bílíktí kadrlarmen qamtamasyz etuge jauapty salalyq bílíktílík júıelerín qūruda jetekshí ról atqaratyn bolady.
Úshínshí deńgeıde kásíptík bílíktílíkter boıynsha ūlttyq organ qūru kózdeledí, onyń qūzyretíne ŪBJ boıynsha ádístemelík jáne saraptamalyq qoldau kórsetu jóníndegí funktsıyalar kíretín bolady.