Egıpettik qoljazbalar tusaýkeseri Álemdik jáne dástúrli dinder kóshbasshylarynyń VII cezi aıasynda ótýde.
Qoljazbalar jáne sırek kitaptar ulttyq ortalyǵynda Mysyr elinen arnaıy ákelingen qoljazbalar jınaǵynyń tusaýy kesildi, dep habarlaıdy Almaty-akshamy.kz Elorda.info-ǵa cilteme jasap.
Jıynda Ál-Asqar sırek qoljazbalar qoryndaǵy ǵylymı eńbekter men qoljazbalar jınaǵy ulttyq ortalyq qoryna tabystaldy. «Ál-Azhar» ýnıversıteti Qazaqstanǵa 55 myńnan astam qoljazba jınaqtalǵan katalogtyń 28 tomyn syıǵa tartty.
Sharaǵa Islamtaný akademıasynyń bas hatshysy Ál-Azhar, profesor Nazır Mýhammad ál-Nazıra Aııada, QR Egıpet Arab Respýblıkasyndaǵy tótenshe jáne ókiletti elshisi Qaırat Lama Sharıf, qoljazba ulttyq ortalyǵy dırektorynyń orynbasary Nurlan Erejepov, sondaı-aq ortalyqtyń ǵylymı qyzmetkerleri qatysty.
«Búgingi jıyn mysyrlyqtardyń qazaq halqyna degen qurmeti ekendigin atap ótkim keledi. Jumystyń mańyzdylyǵyna toqtalar bolsaq, óte qundy dúnıe. Óıtkeni osy katalog ıslam jáne arab áleminiń ǵasyrlar boıy damýyn kórsetedi. Eńbektiń taǵy bir qundylyǵy – onyń birneshe ǵylym men bilim salasyn qamtýynda jatyr. Osy týyndylardyń artynda ıslam álemi, arab tekti avtorlar tur. Bul katalog 55 myńnan astam qoljazbany qamtıdy. Máselen, arab tiline qatysty ǵylym-bilimder, ıslam, medısına, astronomıa, jalpy barlyq salany qamtıdy dep aıtýǵa bolady. Eńbektiń bir ereksheligi – ol naqty bir aımaqtyń avtorlaryn ǵana qamtyp qoımaıdy, onyń aýqymy keń. Osy eńbektiń dinı jáne ǵylymı mańyzdylyǵyn barsha jurt bilýi kerek. Óıtkeni bul tek arabtarǵa ǵana emes, barsha musylman qaýymǵa ortaq mura», - dedi Mysyr Arab Respýblıkasy Ál-Azhar janyndaǵy Islam zertteýler Akademıasynyń Bas hatshysy, profesor, doktor Nazır Muhammed Muhammed ál-Nazır Aıad.