Alaıaqtyq quqyqbuzýshylyqtar saldarynan 61,2 mlrd teńge kóleminde zalal kelgen.
Onyń ishinde, jeke tulǵalarǵa 39,3 mlrd teńge, zańdy tulǵalarǵa 15,1 mlrd teńge, memleketke 6,8 mlrd teńge shyǵyn kelgen, dep habarlaıdy Almaty-akshamy.kz Finprom.kz-ke silteme jasap.
2022 jylǵy qańtar–tamyz aralyǵynda «Alaıaqtyq» baby boıynsha 29,9 myń quqyqbuzýshylyq tirkelgen. Bul byltyrǵy jylmen salystyrǵanda 3%-ǵa artyq.
Onyń basym bóligi ınternet-alaıaqtyq derekteri (13,8 myń) ekenin atap ótken jón. Budan elimizde bólek qylmystyq quqyqbuzýshylyqtyń 180-i tólem kartalaryn paıdalaný arqyly, 87-si aqshany qaryzǵa berý arqyly, 36-sy nesıe berý salasynda, bireýi jyljymaıtyn múlikpen baılanysty salalarda tirkeldi.
Qylmystyq quqyqbuzýshylyqtardyń negizgi bóligi Almatyda (7 myń jaǵdaı) oryn alǵan. Odan keıingi oryndarda Nur-Sultan (4,4 myń) jáne Shymkent (2,7 myń) qalalary bar.
Basqa óńirlerge qaraǵanda quqyqbuzýshylyqtar Ulytaý, Jetisý jáne Abaı oblystarynda az tirkelgen. Atalǵan oblystar maýsym aıynda qurylǵan.
Jyl basynan beri alaıaqtyq boıynsha 3,9 myń adam ustaldy. 2021 jylmen salystyrǵanda 3,8%-ǵa az. Aqparatqa sáıkes, olardyń basym bóligi (3,2 myń adam) jumyssyzdar.
Budan bólek halyqty san soqtyrǵandardyń ishinde 114 jumysshy, 98 memlekettik qyzmetshi, 60 jeke kásipker, 42 oqýshy, 10 áskerı qyzmetshi de bar.