Prezıdentke Respýblıkalyq búdjettiń atqarylýyn baqylaý jónindegi esep komıtetine bergen tapsyrmalarynyń oryndalýy týraly baıandaldy.
Qasym-Jomart Toqaevqa 2021 jyly júrgizilgen aýdıtorlyq jáne saraptamalyq-taldaý jumystarynyń negizgi qorytyndylary týraly málimet berildi. Byltyr jalpy 32 trıllıon teńgeden astam búdjet qarajaty boıynsha 155 nysanǵa 21 aýdıtorlyq tekserý júrgizilgen. Anyqtalǵan barlyq zań buzýshylyqtar boıynsha tıisti sharalar qabyldanyp, onyń materıaldary quqyq qorǵaý organdaryna joldandy, dep habarlaıdy Almaty-akshamy.kz Aqordanyń resmı saıtyna silteme jasap.
Natalá Godýnova Memleket basshysynyń tapsyrmalaryn oryndaý aıasynda kvazımemlekettik sektorǵa júrgizilgen aýdıttiń aıaqtalǵanyn, arnaýly ekonomıkalyq aımaqtardyń qyzmetine, jer resýrstaryn basqarý júıesine, Tokıodaǵy Olımpıada oıyndaryna daıyndyqqa jáne pandemıamen kúreske bólingen qarajattyń tıimdi jumsalýyna baǵalaý júrgizilgenin habarlady.
Kezdesý qorytyndysy boıynsha Prezıdent jańa ekonomıkalyq saıasatty iske asyrý jáne memlekettik aýdıt júıesin damytý aıasyndaǵy Esep komıtetiniń qyzmetine qatysty birqatar naqty tapsyrma berdi.