M.Aıtjanov ulttyq quramany 2009-2018 jyldar aralyǵynda basqardy.
Myrzaǵalı Aıtjanov bokstan Qazaqstan erler quramasynyń bas bapkeri bolyp taǵaıyndaldy, dep habarlaıdy Almaty-akshamy.kz QazAqparatqa silteme jasap.
Qazaqstan boks federasıasynan málim etkendeı, M.Aıtjanov komanda basshysy qyzmetinen óz erkimen ketken Qaırat Sátjanovty almastyrdy.
Myrzaǵalı Aıtjanov – Olımpıada oıyndarynyń qola júldegeri, álem chempıony Sáken Bıbosynovtyń jeke jattyqtyrýshysy.
M.Aıtjanov ulttyq quramany 2009-2018 jyldar aralyǵynda basqardy.
Ulttyq quramanyń eń mańyzdy tarıhı jetistikteri onyń esimimen baılanysty.
Atap aıtqanda, Londondaǵy Olımpıada oıyndarynda Serik Sápıev chempıon jáne Vel Barker kýbogynyń ıegeri atandy.
Rıo-de-Janeırodaǵy oıyndarda Danıar Eleýsinov osy jetistikti qaıtalady.
Komanda Myrzaǵalı Aıtjanovpen birge álem chempıonattarynda 5 (2013 jyly – 4, 2017 jyly – 1) altyn medal jeńip aldy.
Myrzaǵalı Aıtjanov – halyqaralyq dárejedegi sport sheberi, Qazaqstannyń eńbek sińirgen jattyqtyrýshysy.
1988 jyly KSRO quramasy sapynda jasóspirimder arasyndaǵy Eýropa chempıonatynda jeńiske jetti.
Qaırat Sátjanov 2011-2019 jyldar aralyǵynda Qazaqstan jasóspirimder quramasynyń aǵa jattyqtyrýshysy qyzmetin atqardy.
Osy ýaqyt ishinde onyń boksshylary eki ret «Azıa balalary» halyqaralyq oıyndarynda jeńiske jetti, eki ret álem chempıonattarynda úzdik úshtikke endi.
Sondaı-aq eki ret Azıa chempıonatynda úzdik atandy.
Q.Sátjanov 2019 jyly Qazaqstan jastar quramasynyń bas bapkeri bolyp taǵaıyndaldy.
Eki jyl ishinde onyń shákirtteri Azıa chempıonatynda eki ret komandalyq esepte jeńiske jetip, álem chempıonatynda ekinshi orynǵa ıe boldy.
2021 jyldyń qyrkúıeginen bastap Qazaqstan Respýblıkasynyń erler quramasyn basqardy. Osy ýaqyt ishinde qazaqstandyq boksshylar 2021 jyly Belgradta ótken álem chempıonatynda bes medal jeńip aldy.
Sonymen qatar 2022 jyly Ammanda ótken Azıa chempıonatynda úzdik óner kórsetip, eki chempıonatta da Qazaqstan komandalyq medaldyq esepte ekinshi orynǵa ıe boldy.
Qazaqstan boks federasıasy Qaırat Sátjanovqa atqarǵan jumysy úshin alǵys aıtty.
Sonymen qatar ulttyq qurama tizginin qaıta ustaǵan Myrzaǵalı Aıtjanovqa álem chempıonattarynda, Azıa jáne Olımpıada oıyndarynda budan da úlken tabystarǵa jetýine tilektestigin bildirdi.