Vokzaldarda poıyzdardyń keshigetini habarlanyp otyr. Aqparat 1433 anyqtama qyzmeti arqyly táýlik boıy beriledi
Elimizde qolaısyz aýa raıynan birneshe baǵyttaǵy poıyzdar ýaqytynan keshigip jatyr, dep habarlaıdy Almaty-akshamy.kz «Qazaqstan temir joly» ulttyq kompanıasynyń baspasóz qyzmetine silteme jasap.
«Ulttyq tasymaldaýshy qaýipsizdikti qamtamasyz etý úshin temirjol ýchaskelerinde qozǵalys jyldamdyǵyna shekteý qoıdy», - delingen QTJ habarlamasynda.
Keshigip jatqan poıyzdar:
- №3/4 jáne № 9/10 «Astana – Almaty»;
- №45/46 «Pavlodar – Túrkistan»;
- №51/52 «Almaty – Oral»;
- №65/66 «Astana – Jezqazǵan»;
- №71/72 jáne № 86/85 «Astana – Shymkent»;
- №73/74 «Almaty – Jezqazǵan»;
- №105/106 «Almaty – Petropavl.
Poıyzdardyń keshigýi keshe de bolǵan edi.
Osy oraıda ulttyq kompanıa poıyzdardyń qozǵalys kestesin qalpyna keltirý úshin qajetti sharalar qabyldanyp jatqanyn aıtty.
«Vokzaldarda poıyzdardyń keshigetini habarlanyp otyr. Aqparat 1433 anyqtama qyzmeti arqyly táýlik boıy beriledi. Eger poıyz 3 saǵattan artyq keshikse, jolaýshylarǵa SMS habarlama jiberiledi», - delingen.
Odan bólek, resmı aqparatta aıtylǵandaı, poıyz bıletterin keri qaıtarý jaıly málimetti +7 (707) 270-36-64 (WhatsApp) nómirinen bilýge bolady.
«Keshikken poıyzdyń ár saǵaty úshin bılet qunynyń úsh paıyzy mólsherinde aıyppul tólenedi. Poıyz 6 saǵattan artyq keshikse, meıramhanada tegin tamaq beriledi. Sol sıaqty vokzaldardaǵy tamaqtaný oryndary men saýda núkteleriniń, sanıtarlyq aımaqtardyń (ájethanalardyń) úzdiksiz jumys isteýi baqylaýda», - dep habarlady Qazaqstan temir joly.