Dáriger mýzyka tyńdap jumys isteýdiń tıimdiligin baǵalady
Psıhıatr: Mýzyka tyńdap jumys isteý adamda bar qandaı da bir buzylystardy ańǵartýy múmkin, dep habarlaıdy Almaty-akshamy.kz.
Osy kúni qulaqqap taǵyp alyp, mýzyka nemese podkast tyńdap otyryp jumysyn da tyndyra beretinder qatary kóp. Búginde bul kórinis qalypty jaǵdaıǵa aınaldy. Alaıda bulaı jasaý adamda qandaı da bir buzylystardyń baryn ańǵartady eken. Dáriger-psıhıatrdyń aıtýynsha, bul ádistiń tıimdiligi nazardy shoǵyrlandyrýda. Bul týraly reseılik maman, psıhoterapevt Evgenıı Fomın aıtty.
Mamannyń sózine qaraǵanda, jumysqa den qoıyp, onyń ónimdi bolýy úshin tek tynyshtyq qajet degen túsinik eskirgen. Gadjetterdiń áserinen qazir adamdarda aqparatty úzdiksiz qabyldaý ádeti qalyptasqan. Sol sebepti mýzyka nemese podkast tyńdaý keıbir adamdarǵa aldyna qoıylǵan mindetterdi atqarýda nazardy shoǵyrlandyrýǵa jaqsy kómektesedi.
Alaıda, jumys kezinde aýdıo titirkendirgishterdi qoldaný ádeti de keıbir aýytqýlardyń sımptomy bolyp tabylady. Olardyń qataryna nazar bólý (qoıý) jetispeýshiligi men gıperbelsendilik jatady. Mundaı adamdarǵa únemi bir nárse bolyp jatyp, nazardyń ózgerip turýy mańyzdy.
Sonymen qatar, adamnyń tynyshtyqta jumys isteı almaýy mazasyzdaný (alańdaý) seziminiń tym joǵary ekenin kórsetýi múmkin.
«Múmkin, ony qandaı da bir oılar mazalaıtyn shyǵar jáne oǵan ony tynyshtandyratyn mýzyka mańyzdy bolýy múmkin»,-dep túsindirdi Fomın.