Jıyndy ashqan Memleket basshysy Qasym-Jomart Toqaev Shanhaı yntymaqtastyq uıymynyń qazirgi tóraǵasy Qazaqstannyń, sondaı-aq óz atynan barsha Iran halqy men onyń basshylyǵyna osy eldiń Prezıdenti men Syrtqy ister mınıstriniń qaıǵyly qazaǵa ushyraýyna baılanysty kóńil aıtty, dep habarlaıdy almaty-akshamy.kz.
Qasym-Jomart Toqaev shet memleketterdiń Syrtqy ister mınıstrleri keńesiniń otyrysy kún tártibindegi ózekti máselelerdi sheshý jónindegi SHYU-nyń mańyzdy formattarynyń biri ekenine toqtaldy.
– Elindegi aýyr jaǵdaıǵa qaramastan Irannyń, sondaı-aq aldaǵy ýaqytta qatarymyzǵa qosylatyn Belarýstiń ókilderi Astanadaǵy Syrtqy ister mınıstrleriniń keńesine alǵash ret qatysyp otyrǵanyn erekshe atap ótkim keledi. Sizderdiń elderińiz «shanhaı rýhyn» odan ári kúsheıtýge jáne SHYU aıasyndaǵy kópjaqty yntymaqtastyqty nyǵaıtýǵa aıtarlyqtaı úles qosatynyna senimdimin. Qazirdiń ózinde bizdiń uıymǵa Eýrazıa qurlyǵyndaǵy on memleket múshe. Bul elderde jer shary halqynyń jartysyna jýyǵy turady, sondaı-aq álemdik jalpy ishki ónimniń tórtten biri jáne jahandyq saýda-sattyqtyń 15 paıyzy osy memleketterge tıesili. Qazaqstan SHYU-nyń tóraǵasy retinde Uıymnyń áleýetin odan ári arttyrý úshin bar kúsh-jigerin jumsaıdy, – dedi Memleket basshysy.