Álemdik klasıkalyq beıneleý ónerinde Leonardo Da Vınchı róli zor. Dáp osyndaı joldy ustanǵan óner maıtalmandary jeterlik.
Almatydaǵy Á.Qasteev atyndaǵy óner murajaıyna túrik halqynyń qylqalam sheberleri Onýr Mansyz, Halıl Petúk, Emın Mete Erdoǵan óz týyndylaryn ákelip qoıdy. «Qazirgi zamandy zertteý» ataýmen atalatyn kórmede tarıhtyń nebir qatparlarynan syr shertetin kartınalar, men tabıǵattyń sulýlyǵyn beıneleıtin sýretter qoıyldy.
Sonymen qatar bul jolǵy kórmede gıpperrealdy álem beınesi qoldanylyp, tabıǵat pen adam álemniń qatynasy 3D formatynda bederlendi.
«Bizdiń bul jolǵy kórmede túrkıalyq úsh sýretshiniń týyndylary qoıyldy. Sondaı-aq munda foto-kollaj, kartınalar, músinder kóre alasyz. Biz murajaımen kóptegen beri qarym-qatynastamyz. 14 maýsym jáne 7 shilde aralyǵynda mádenıet pen rýhanıatqa sýsyndaǵysy keletin qonaqtarǵa esik ashyq», – dedi kýrator Olá Veselova.
Sonymen qatar mýzeı qundylyǵy onyń kórermenderge áseri, mádenı ómirdiń mańyzdylyǵy týrasynda oı-pikirler aıtyldy.
«Bul murajaı elimizdiń eń baǵa jetpes qundylyqtarynyń biri sanalady. Al kórmelerge qoıylǵan árbir óner týyndysynyń artyqshylyǵy ol – zańǵa zamanmen úndesýinde. Basty maqsat – adam men tabıǵat álemi egiz uǵym ekendigin uǵyndyrý», – dedi uıymdastyrýshy Sanjar Serıkbaev.