Mańǵystaý oblysy polısıa departamenti memlekettik satyp alýlar saıtynda jarıalanǵan habarlandyrýda tapsyrysqa jasalyp jatqan saǵattyń qandaı bolý kerektigin jazylǵan, dep habarlaıdy aqshamnews.kz.
«Mehanızm - japon/shveısarıalyqtan jaman emes. Mehanızmniń túri - kvars. Syrty PVD Gold, ıaǵnı altyn jalatylǵan (tıtan nıtrıd + 10 mıkron altyn). Artqy qaqpaǵy tot baspaıtyn bolattan jasalǵan. Shynysy - mıneraldy, syzattarǵa tózimdi. Sý ótkizbeıtin - kem degende 5 ATM. Shań/ylǵalǵa tózimdi. ( ... ) Sıferblat – aq emal, dóńgelek, dıametri keminde 30 mm, óris óndirýshiniń jazýlary men emblemalarynan taza. Baýy: alergıaǵa qarsy jabyny bar bylǵarydan, qara/qońyr jiptermen tigilgen», - delingen habarlamada.
Mańǵystaý oblysy polısıa departamenti bul saǵattardy (180 dana) mereke kúnderi quqyq qorǵaý organdarynyń qurmetti qyzmetkerleri men ardagerlerine beriletinin málimdedi. Aıtýynsha, tapsyrys berilgen saǵattarda aıtarlyqtaı eshqandaı erekshelik joq.