Taǵy bir aıǵa uzartyldy.
Elimizdiń burynǵy Qorǵanys mınıstri Murat Bektanovty tutqynda ustaý merzimi uzartyldy, dep habarlaıdy Almaty-akshamy.kz QazAqparatqa silteme jasap.
«Qazaqstannyń burynǵy Qorǵanys mınıstri Murat Bektanov 20 maýsymǵa deıin tutqynda bolady. Qamaýda ustaý merzimi Almaty qalasynyń aýdanaralyq tergeý sotynyń sheshimimen taǵy bir aıǵa uzartyldy. Tutqynda ustaý merzimin uzartý týraly sheshim 13 mamyrda qabyldanǵan bolatyn», - dedi Almaty qalalyq soty baspasóz hatshysynyń mindetin atqarýshy Nursultan Orynbasarov.
Esterińizge sala ketsek, 9 qańtar kúni Murat Bektanov QR Qorǵanys mınıstri laýazymynan bosatylǵan edi. Memleket basshysy Qasym-Jomart Toqaev mınıstrdiń komandırlik qabilet kórsete almaǵanyn synǵa alǵan-dy.
2022 jylǵy 19 aqpanda QR Bas prokýratýrasy burynǵy Qorǵanys mınıstri Murat Káribaıuly Bektanovqa qatysty Qazaqstan Respýblıkasy Qylmystyq kodeksiniń 452-baby áreketsizdik faktisi boıynsha sotqa deıingi tergep-tekserýdi bastaǵan bolatyn.
Osy bapqa sáıkes, áskerı jaǵdaıda bılikti asyra paıdalanǵany úshin múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyrylyp, 7 jyldan 15 jylǵa deıin bas bostandyǵynan aıyrýǵa jazalanady.