40 mlrd teńgege azaıdy.
Ulttyq bank usynǵan málimet boıynsha, qazaqstandyqtardyń zeınetaqy jınaqtary, 2022 jylǵy 1 mamyrdaǵy jaǵdaı boıynsha, sáýir aıynda 0,3%-ǵa, ıaǵnı 40 mlrd teńgege azaıyp, 12 939,5 mlrd teńgeni qurady, dep habarlaıdy Almaty-akshamy.kz Egemen.kz silteme jasap.
«2022 jylǵy sáýirde zeınetaqy aktıvterin ınvestısıalaýdan túsken taza tabys 170,1 mlrd teńgege, 2022 jylǵy 1 mamyrdaǵy jaǵdaı boıynsha, 7 033,2 mlrd teńgege deıin azaıdy», - delingen QR Ulttyq bankiniń habarlamasynda.
Mindetti zeınetaqy jarnalary boıynsha salymshylardyń jeke zeınetaqy shottarynyń sany (zeınetaqy jınaqtary joq JZSH-ny eskere otyryp), 2022 jylǵy 1 mamyrdaǵy jaǵdaı boıynsha, 10,9 mln shotty qurady.
2022 jyldyń sáýir aıynda zeınetaqy tólemderiniń somasy 34,6 mlrd teńgege jetken.
2022 jylǵy 1 mamyrdaǵy jaǵdaı boıynsha, BJZQ jıyntyq ınvestısıalyq portfeliniń negizgi úlesin QR Memlekettik baǵaly qaǵazdary men QR emıtentteriniń memlekettik emes baǵaly qaǵazdary (zeınetaqy aktıvteriniń jalpy kóleminiń tıisinshe 41,2% jáne 22,5%) alady.