Mınıstrlikte arnaıy kezdesý ótti.
Murat Ábenov Densaýlyq saqtaý mınıstri Ajar Ǵınıattiń pasıentterdiń quqyqtaryn qoǵamdyq negizde qorǵaý máseleleri boıynsha shtattan tys keńesshisi boldy, dep habarlaıdy Almaty-akshamy.kz mınıstrlikke silteme jasap.
Bul týraly Densaýlyq saqtaý mınıstri Ajar Ǵınıattyń belgili qoǵam qaıratkeri, QR Prezıdenti janyndaǵy Ulttyq qoǵamdyq senim keńesiniń múshesi, tutynýshylardyń quqyqtaryn qorǵaý koalısıasynyń tóraǵasy Murat Ábenovpen kezdesýinde belgili boldy.
«Kezdesýde M.Ábenov MÁMS-tiń aqshasy qaıda ketip jatyr degen suraq týyndamas úshin naýqastarǵa shyǵarylǵannan keıin kórsetilgen qyzmetter men olardyń quny kórsetilgen tekserý paraǵyn shyǵarýdy usyndy. Ajar Ǵınıat Murat Ábenovke medısınalyq kómektiń sapasyn jaqsartý isindegi belsendi azamattyq ustanymy úshin alǵysyn bildirip, pasıentterdiń quqyqtaryn qoǵamdyq negizde qorǵaý máseleleri boıynsha shtattan tys keńesshi bolýdy usyndy. Murat Ábenov óz kezeginde densaýlyq saqtaý mınıstrligi kórsetip otyrǵan ashyqtyq pen aıqyndyq saıasatyn atap ótip, medısınalyq kómek tutynýshylarynyń qanaǵattanýshylyǵyn arttyrý úshin bar kúshin salatynyna sendirdi», - delingen mınıstrlik habarlamasynda.