Bul jobany otandyq ǵalymdar oılap tapqan.
Biregeı júıe qant dıabetinen bolǵan kóz túbi aýrýlaryn 91% dáldikpen kórsetedi, dep habarlaıdy Almaty-akshamy.kz 24.kz-ke silteme jasap.
Dıabettik retınopatıa – kózdiń torly qabyǵyndaǵy qan tamyrlaryn álsiretetin kóz aýrýy. Bul dertti der kezinde emdemese, onda kózdiń kórý qabileti nasharlaıdy. Al otandyq ónim arqyly dıagnozdy dóp qoıyp, aýrýdyń aldyn alýǵa bolady. Tek apparatpen kóz túbin sýretke túsirse bolǵany.
«51 júıe mobıldi fýnksıa kamerasyn qoldaný arqyly aýyl aımaqtarda orta dárejedegi medbıkelerdiń kómegimen kóz túbiniń sýreti túsiriledi de bizdiń júıege engiziledi. Ári qaraı jasandy ıntellekt algorıtmi dıabettik retınopatıa bar joǵyn jáne qaı stadıada ekenin anyqtaıdy», - deıdi joba jetekshisi Erkebulan Jánibekuly.
Medısınanyń bul jetistiginiń ıgiligin endi aýyldaǵy jur ta kóre alady. Júıege engen sýret avtomatty túrde aýdan nemese oblys ortalyǵyndaǵy oftalmolog dárigeriniń bazasyna túsedi. Sol kezde maman qashyqtan qorytyndy jasaıdy. Búginde bul apparat Astana men Almaty qalalarynda, SQO, SHQO, Túrkistan oblysy, Aqmola oblysyndaǵy emhanalarda bar.
«31 fost kamera bıyl sáýir aıynda bizdiń emhanaǵa ákelindi. 400 adam ótti. Fost kameramen aýrýdyń aldyn ala alamyz. Bul kameramen qant dıabetiniń asqynýyn qaraımz. Nátıjesi bir 10 mınýtta daıyn bolady», - skrınıng meıirgeri Nazym Abdyqasymova.
Jobanyń bir ereksheligi – dárigerdiń qorytyndysy naýqastyń elektrondy densaýlyq pasportyna tirkeledi. Joba jetekshisi ónimdi klınıkalarǵa engizý jáne ary qaraı damytý boıynsha qarqyndy jumys júrgizip jatqanyn aıtady. Aıtpaqshy, bul bastama memleket tarapynan qarjylandyrylǵan.