Qarýly Kúshter qataryn 45 bozbala tolyqtyrady.
Almatyda merzimdi áskerı qyzmetke kúzgi shaqyrý naýqany bastaldy, dep habarlaıdy Almaty-akshamy.kz
Bolashaq jaýyngerler Qonaev qalasyndaǵy áýe shabýyldaý brıgadasynyń quramynda Otan aldyndaǵy boryshyn óteıdi.
Qorǵanys isteri jónindegi departamenttiń málimetinshe, bıyl Almatydan 3 myńǵa tarta jigitti áskerge shaqyrý josparlanǵan. Jartysyna jýyǵy kóktemde áskerge attanyp ketken. Al osy joly taǵy myń jarym azamat shaqyrý qaǵazyn alady.
28 gvardıashyl-panfılovshylar saıabaǵynda ótken saltanatty jıynda buryn áskerge alynǵan sarbazdar jaýyngerlik urys tásilderin kórsetti.
«Qazir biz 250-deı adammen shekara áskerin japtyq. Qazir biz Qarýly Kúshterine jiberip jatyrmyz. Osydan keıin Ulttyq Ulanǵa jiberemiz. Sonymen biz jeltoqsannyń aıaǵyna taman kúzgi áskerı naýqandy tolyǵymen jabamyz. Bizde shaqyrtýǵa baılanysty eshqandaı problema joq. Óz betimen ketip bara jatqandar qanshama, qansha adam shyǵaryp salýǵa kelgen. Jastarymyzdyń patrıottyq rýhyn kóterip, Qarýly Kúshterdiń ımıjin kóterý úshin osyndaı sharalardy ótkizemiz», - deıdi Almaty qalasy Qorǵanys isteri jónindegi departamentiniń basshysy Farhat Qurmanǵajınov.