TikTok jelisinde Álisher Temenov esimdi jigit Muqaǵalı Maqataevty “sorly erkek” dep atap, synnyń astynda qalǵan bolatyn.
Maqataevty qorlaǵan tıktoker aqynnyń eskertkishine baryp, tizerlep keshirim surady, dep habarlaıdy aqshamnews.kz
Ol kezekti rılsynda Muqaǵalı Maqataevty ómirine shaǵymdana beretin sorly erkek dep ataǵan.
"Búgin meniń týǵan kúnim oı páli-aı, myna adamdar nege jatyr toılamaı" deıdi. "Eı, sen jaman sóz) birinshi jasasańshy týǵan kúnińdi. Sosyn baramyz ǵoı. "Banket jasap berer edim ózim-aq, táńirdiń bir jarytpaı-aq qoıǵany-aı" deıdi. Qudaıdyń ne qatysy bar? Seniń týǵan kúnińde ústelińniń jaıylyp turǵany qudaıǵa baılanysty ma? Óziń jasa! Erkeksiń ǵoı, ne úshin otyrsyń myna jerde? Otanyńdy qorǵaısyń – erkeksiń, áýletińdi qorǵaısyń – erkeksiń. Áıelińdi qorǵaısyń – erkeksiń. Úkimetten "úıdi qashan beredi" dep kútip otyrsań, onda sen erkek emessiń", – deıdi ol.
Bloger bul sózderinen keıin qoǵamnyń synyna ushyrady.
Blogerdiń osy áreketinen keıin Muqaǵalı Maqataevtyń eskertkishiniń aldyna baryp, basyn ıip keshirim suraǵan vıdeosy tarady.
"Qazaq eliniń aldynda jasap qoıǵan úlken bir erkeligimdi arýaq keshirsin degen nıetpen dál qazir Muqaǵalı atamyzdyń úıiniń aldynda turmyn. Barsha qazaq elinen jasaǵan úlken qateligim úshin keshirim suraımyn",-dedi bloger Álisher Temenov.