«Muqaǵalı» kórkem fılmi buǵan deıin Qazan kınofestıvalinde qazylar alqasynyń arnaıy syılyǵyna ıe boldy.
«Muqaǵalı» kórkem fılmi Shanhaı yntymaqtastyq uıymyna (SHYU) múshe elderi kınofestıvaliniń konkýrstyq baǵdarlamasyna iriktelip alyndy, dep habarlaıdy Almaty-akshamy.kz QazAqparatqa silteme jasap.
Sh.Aımanov atyndaǵy «Qazaqfılm» kınostýdıasynyń málimetinshe, rejıser Bolat Qalymbetovtiń «Muqaǵalı» fılmi 27-31 qańtar aralyǵynda Mýmbaı qalasynda ótetin Shanhaı yntymaqtastyq uıymyna (SHYU) múshe elder kınofestıvaliniń «Úzdik rejıser» nomınasıasy boıynsha konkýrstyq baǵdarlamaǵa engizildi.
«Kınofestıval irikteýine qoıýshy-rejısser B.Qalymbetovtiń «Muqaǵalı», qoıýshy-rejısser A. Sataevtyń «Uly dala tańy», qoıýshy-rejısser A. Erjanovtyń «Ademokany oqytý», rejıser A. Anartaevtyń «Ystyqkól» fılmderi jiberilgen bolatyn», - dep habarlady kınostýdıadan.
Eske salaıyq, «Muqaǵalı» kórkem fılmi buǵan deıin Qazan kınofestıvalinde qazylar alqasynyń arnaıy syılyǵyna ıe boldy.
Dýbaıdaǵy Meta Film Fest kınofestıvalinde bas júldege ıe boldy.
Sondaı-aq Shotlandıada ótken halyqaralyq Sent-Endrús kınofestıvalinde bes júldeni jeńip alǵan bolatyn.