Áýejaıda ushý-qoný jolaǵynda da qar tazalaý jumysy úzdiksiz júrgizilip jatyr
Qolaısyz kún raıy kesheli beri jolaýshylarǵa da kesirin tıgizip jatyr, dep habarlaıdy Almaty.tv.
Astanada bılet alyp, saparǵa shyǵýdy josparlaǵan myńdaǵan halyqtyń reısi keıinge shegerildi. Búginniń ózinde 13 baǵyt ýaqytsha toqtatylǵan.
«Áýejaıda, onyń ishinde ushý-qoný jolaǵynda da qar tazalaý jumystary úzdiksiz júrgizilýde. Jolaýshylardan ózekti aqparatty call ortalyqtardan bilýdi suraımyz. 0:36 bastalady», – dedi Astana halyqaralyq áýejaıynyń baspasóz hatshysy Anvar Shalekenov.
Endi áýekompanıalary kestesi keshiktirilgen nemese aýysqan reısterdi jolaýshylarǵa habarlaýǵa mindetti. Olar azamattardyń mobıldi nómiri men elektrondy poshtasyna josparlanǵan sapar týraly aqparatty ýaqytyly berýi shart. Al ushý ýaqyty keshiktirilgen jaǵdaıda jolaýshyny mejeli jerge jetkizbegeni úshin ár saǵatyna tarıf qunynyń 3% mólsherinde tasymaldaýshy kompanıa aıyppul tóleýi múmkin. Bul týraly Indýstrıa jáne ınfraqurylymdyq damý mınıstrligi habarlady. Vedomstvo aqparynsha, azamattyq avıasıa salasyndaǵy zańnamaǵa ózgerister engiziledi. Oǵan sáıkes, qarjylyq qıyndyqtarǵa tap bolǵan áýejaılarǵa qoldaý kórsetilmek.