Festıválde 25 elden 70-ten astam fılm kórsetildi.
Qazaqstandyq «Muqaǵalı» fılmi Dýbaıdaǵy Meta Film Fest kınofestıvalinde bas júldege ıe boldy, dep habarlaıdy Almaty-akshamy.kz QazAqparatqa silteme jasap.
Taıaý Shyǵys, Azıa jáne Afrıka kınoındýstrıasyn qamtıtyn Meta Film Fest jańa halyqaralyq kınofestıval 27 qazanda Djýmeıra Pálmasyndaǵy Nakheel Mall-daǵy Vox Cinemas kınoteatrynda bastaldy. Festıválde 25 elden 70-ten astam fılm kórsetildi.
Baıqaý baǵdarlamasyna «Muqaǵalı», «Uly dala tańy», «Aqyn» jáne «Konokrady» atty tórt qazaqstandyq fılm tańdalǵan bolatyn.
Belgili qazaq aqyny Muqaǵalı Maqataevtyń 90 jyldyǵyna arnalǵan «Muqaǵalı» kartınasy onyń ómiriniń sońǵy jyldary týraly baıandaıdy. Fılmdi QR Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» kınostýdıasy túsirdi.
«Taspanyń senarıin belgili qazaqstandyq jazýshy Júsipbek Qorǵasbek rejıser Bolat Qalymbetovpen jáne Ǵazız Nasyrovpen birlesip jazdy. Fılm qazaqstandyq prokatqa 2021 jyldyń 21 qazanynda shyqqan bolatyn.
Fılmniń álemdik premerasy 25-shi (PÖFF) Tallın kınofestıvali aıasynda ótti. Onda qazaqstandyq kartına ekýmenıkalyq qazylar alqasynyń júldesine ıe boldy. Bıylǵy jyldyń naýryz aıynda ómirbaıandyq kartına Keraladaǵy (Úndistan) 26-shy Halyqaralyq kınofestıvaldiń «Álemdik kıno» seksıasynda usynyldy. Jaqynda «Muqaǵalı» fılmi Qazan kınofestıvalinde qazylar alqasynyń arnaıy júldesine ıe boldy. Sondaı-aq, fılm Gachınadegi (Reseı) «Ádebıet jáne kıno» Halyqaralyq kınofestıvalinde qoıýshy-sýretshi Ermek Ótegenovtiń úzdik jumysy úshin qazylar alqasynyń arnaıy dıplomyna ıe boldy», - dep habarlady Sh.Aımanov atyndaǵy «Qazaqfılm» kınostýdıanyń baspasóz qyzmeti.