Janarmaıdy únemdep, kólikke kúsh beretin qurylǵyny oılap tapqan azamat bizdiń elde turady
Qurylǵynyń artyqshylyǵy – kólikten tútin shyǵýyn azaıtady, janarmaıdy 20%-ǵa únemdeıdi, kólikke kúsh beredi. Bul qurylǵynyń avtory – Shoqan esimdi azamat. Onyń pikirinshe, bul qurylǵyny jaryqqa shyǵarý úshin birneshe jyl qyzmet etken, dep habarlaıdy Almaty-akshamy.kz Baq.kz caıtyna silteme jasap.
«Qurylǵynyń alǵashqy túri 2016 jyly jaryqqa shyqty. Qurylǵy ımpúlsti generator. Kóliktiń elektr júıesine ornatylady. Ol kóliktiń qozǵaltqyshyna generatordyń túsiretin júktemesin azaıtady. Generator kúshin kúsheıtip, motorǵa júktemesin azaıtamyz. Artylǵan kúsh dóńgelekke baryp,kóligińiz belsendi, jyldam júretin bolady», - deıdi ol.
Sondaı-aq qurylǵy birneshe jyl boıy synalyp, ónertapqysh búginge deıin áriptesterimen 12 túrin jasaǵan.
«Bul qurylǵy birinshiden janarmaıdy únemdeıdi jáne kólikke kúsh beredi. Bul Almaty sekildi taýly jerlerge óte yńǵaıly. Kóligińizge qatty kúsh salmaǵandyqtan, onyń sizge qyzmet eter ýaqytyn da uzartady», - deıdi ónertapqysh.
Onyń aıtýynsha, qurylǵy janarmaımen júretin jeńil kólikterge arnalǵan. Bastysy, qurylǵyny durys ornatý kerek.
«Qurylǵy kóptegen kólik túrine arnalǵan. Tek qurylǵyny ornatqanda, yqtıattylyq tanytý kerek. Sonymen qatar jeńil kólikke arnalǵan qurylǵyny júk kólikterine salýǵa bolmaıdy. Ázirge toqpen júretin kólikterdi synamadyq», - deıdi ol.