Almatyda turǵyndardy aldap kelgen qos alaıaq ustaldy.
Anyqtalǵandaı, kúdiktilerdiń biri 33 jastaǵy K. esimdi azamat 5 mıllıon teńge kóleminde beıindik baǵdarlama boıynsha memleketten grant alýdy usynǵan. Al taǵy bir qylmystyq iske qatysy bar 29 jastaǵy A. esimdi azamatsha shahar turǵyndaryna memleketten grant alyp berip qana qoımaı, jyljymaıtyn múlikterdi ıgerip, jumysqa ornalastyryp, júrgizýshi kýáligin alyp bere alatynyn aıtqan. Óziniń “jumysy” úshin ol 5 mıllıon teńge suraǵan, dep habarlaıdy Almaty-akshamy.kz Polisia.kz-ke silteme jasap.
«Tergeý barysynda aqshany alǵannan keıin qaskúnemderdiń uıaly telefondaryn óshirip, baılanysqa shyǵýyn toqtatqany anyqtaldy. Qazirgi ýaqytta K. esimdi azamattyń alaıaqtyq boıynsha 10 epızodqa qatystylyǵy, al alaıaq áıelge qatysty 25 derek dáleldendi. Kúdiktilerge qatysty aýdanaralyq tergeý soty qamaý túrindegi bultartpaý sharasyn tańdady», – dep habarlady Áýezov aýdandyq polısıa basqarmasy.
Biraq aldanǵan adamdar áldeqaıda kóp bolýy múmkin ekendigine polısıa qyzmetkerleri senimdi. Sondyqtan tártip saqshylary ustalǵandardyń áreketinen zardap shekken azamattardy myna telefon nómirlerine habarlasýǵa shaqyrady: 8-707-515-47-35 jáne 8-778-276-04-14.