Kúdiktilerdiń keltirgen shyǵyny - 200 mln teńgeden asady.
Qyzylorda oblysy polısıa departamenti uıymdasqan qylmysqa qarsy kúres basqarmasy prokýratýranyń úılestirýimen qaladaǵy kásiporynnan munaı ónimderin urlaýmen aınalysqan adamdar tobyn ustady, dep habarlaıdy aqshamnews.kz Polisia.kz-ke silteme jasap.
– Qylmystyq sqemaǵa óndiris nysanynyń qyzmetkerleri men kúzetshileri tartylǵan. 20-dan astam tintý sharalary júrgizildi. 25 tonnadan astam urlanǵan munaı ónimderi tárkilendi. Kúdiktilerdiń áreketinen kásiporynǵa keltirilgen aldyn ala shyǵyn 200 mıllıon teńgeden asady. Polısıaǵa 12 adam jetkizildi, onyń 9-y ýaqytsha ustaý ızolátoryna qamaldy. Oblystyq polısıa departamentiniń tergeý basqarmasy munaı ónimderin urlaý jáne tıisti qujattarsyz tasymaldaý faktileri boıynsha tergeý júrgizýde, – dedi İİM uıymdasqan qylmysqa qarsy kúres departamentiniń ókili Qýandyq Alpys.