Oǵan 11 óńirdiń sportshylary qatysýda
Almatyda semserlesýden Qazaqstannyń VI jazǵy spartakıadasy bastaldy, dep habarlaıdy Almaty-akshamy.kz.
Sportty damytý dıreksıasynyń baspasóz qyzmetinen málim etkendeı, týrnır Kárken Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat kolejinde ótip jatyr. Oǵan 11 óńirdiń sportshylary qatysýda. Birinshi kúni semserlesý básekesiniń jeńimpazdary men júldegerleri anyqtaldy. Erler arasynda 30 úmitker, al áıelder saıysynda 29 sportshy baq synady.
Erler:
1 oryn – Tamırlan Qalıev (Abaı oblysy)
2 oryn – Nıazbek Safınov (Abaı oblysy)
3 oryn – Nıkıta Ponomarev (SHQO)
3 oryn – Ǵalym Nurymov (Almaty)
Áıelder:
1 oryn – Sofıa Aqtaeva (Almaty)
2 oryn – Kúljan Túsipbekova (Abaı oblysy)
3 oryn – Alına Iskanderova (SHQO)
3 oryn – Aıaýly Óteýlenova (Abaı oblysy)
Búgin qylyshtasýdan komandalyq saıystar ótedi. Odan keıin semserlesý básekesiniń úzdikteri anyqtalady.
Spartakıada 15 sáýirde aıaqtalady.
Jarysqa qatysyp jatqandardyń arasynda ulttyq quramanyń Rýslan Kýrbanov, Elmır Álimjanov, Artem Sarkısán sıaqty úzdikteri bar. Spartakıada qorytyndysy boıynsha olımpıadalyq irikteý týrnırleri men jazǵy Azıa oıyndary sıaqty halyqaralyq dodalarda el namysyn qorǵaıtyn ulttyq qurama músheleri belgili bolady.