2022 jylǵy 1 jeltoqsanda saǵat 11:00-de Almaty qalasyndaǵy Respýblıka saraıynda Dostyq dańǵyly, 56 mekenjaıy boıynsha múmkindigi shekteýli jumyssyzdarǵa arnalǵan bos oryndar jármeńkesi ótedi, dep habarlaıdy Almaty-akshamy.kz.
Jármeńkeni "Almaty qalasy ákimdiginiń Halyqty jumyspen qamtý ortalyǵy " KMM Medeý aýdany ákiminiń apparatymen birlesip uıymdastyrady.
Bos oryndar jármeńkesiniń maqsaty – jumys berýshi men izdenýshiniń tikeleı qarym-qatynasy arqyly múmkindigi shekteýli jandardy jumysqa ornalastyrýǵa járdemdesý bolyp tabylady, onda jumys berýshiler izdenýshilermen kezdesýge, al izdenýshiler aldyn ala áńgimelesýden ótýge, túıindeme jiberýge, múddeli bos jumys oryndarymen jáne izdenýshilerge qoıylatyn talaptarmen tanysýǵa bolady.
Tirkelý saǵat 10:00-de bastalady.
Múmkindigi shekteýli jandar úshin bos jumys oryndary bar jáne bos oryndar jármeńkesine qatysqysy keletin uıymdar jumys berýshilerdi qoldaý bólimine ótinimdi prm@cz-almaty.kz elektrondyq mekenjaıyna jiberýi qajet.
Jumys berýshiler bos oryndar jármeńkesi alańynda kórme stendterin ornalastyra alady, sondaı-aq, tusaýkeserler men jarnamalyq ónimderin kórsete alady nemese izdenýshiler úshin sheberlik synyptary men trenıńter uıymdastyra alady.
Qosymsha aqparat alý úshin myna telefondar arqyly habarlasyńyz:
+7(708) 211 12 47, +7(747) 751 05 95.