Múmkindigi shekteýli jandar da – qoǵamnyń bir múshesi. Olardyń ishinde qabileti bary bilim alyp, jumysqa turyp, qoǵammen bite qaınasyp kete alady. Bul toptaǵy jandar úshin memleket tarapynan kedergisiz orta qalyptastyrylyp, jaǵdaılar jasalǵan. Almatyda múgedektigi bar adamdardy áleýmettik qoldaýǵa bólinetin qarjy kólemi jyl ótken saıyn artyp keledi.
Búginde Almatyda 59 myńnan astam múgedek adam turady. Sonyń ishinde 9700-den astamy bala. Syrqat bala baǵý ońaı eme s. Sondyqtan ata-analarǵa qaı kezde de qoldaý qajet. Bul turǵyda memleket tarapynan kórsetilip jatqan kómek te az emes.
Máselen, Almatyda múgedektigi bar adamdarǵa, múgedek balalarǵa stasıonar, jartylaı stasıonar, úıde qyzmet kórsetý jáne ýaqytsha bolýǵa arnalǵan arnaýly áleýmettik qyzmetterdiń kepildik berilgen kólemin kórsetetin 10 medısınalyq-áleýmettik mekeme jumys isteıtinin aıta keteıik. Sonyń ishinde, máselen, «Senim» áleýmettik qyzmet kórsetý ortalyǵynda 3 j astan 18 jasqa deıingi psıhonevrologıalyq patologıasy bar 133 múgedek bala qyzmet alýda. Sondaı-aq, 30 balaǵa arnalǵan pallıatıvtik bólim bar. «Senim» arnaıy jabdyqtarmen, áleýmettik- turmystyq baǵdarlaý kabınetimen, oqý synybymen, sensorlyq kabınetpen, fızıo-kabınetpen, defektolog, l ogoped, EDSH kabınetterimen jabdyqtalǵan.
Al «Shapaǵat» áleýmettik qyzmetter ortalyǵynyń jartylaı stasıonar rejıminde byltyr 1,5 jast an 18 jasqa deıingi 107 balaǵa psıhonevrologıalyq patologıasy jáne tirek-qımyl apparaty buzylǵan qyzmetter kórsetildi. Ata-analar balalaryn ortalyqta 8 saǵatqa qaldyrady. Sóıtip, ózderi alańdamaı jumysyna baryp keledi. Bul ortalyqtyń Alataý, Bostandyq, Naýryzbaı jáne Túrksib aýdandarynda kún saıyn 185 múgedek bala baratyn 5 bólimshesi bar.
Ata-ana, álbette, bala úshin dep ómir súredi. Aýrý balamen tórt qabyrǵada otyryp qalmasyn dep, olar da bir mezgil balalarymen birge sergisin dep, jylda túrli konsertter, qaladaǵy tanymal týrısik oryndarǵa tegin ekskýrsıa uıymdastyrylady.
Sırkke, «Almaty Arenada» ótetin qaıyrymdylyq keshterine barady. Jobaǵa qatysýshylar byltyr Botanıkalyq baqqa, «Oi-Qaragai» taýly kýrortyna jáne Qazaqst an Respýblıkasynyń Tuńǵysh Prezıdenti atyndaǵy saıabaqqa bardy. Olarmen birge kópbalaly otbasynan shyqqan jetkinshekter de qydyrady. Demek, barlyq bala teń. Olar birg e qýana biledi, jaqsylyq a taýlyny birge bólisedi.