Almaty qalasynda múgedektigi bar adamdardy qoldaý jáne olardyń eńbek naryǵynda beıimdelýin jeńildetý maqsatynda jańa «JOBCOACH» jobasy iske qosyldy.
Bul týraly Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov málimdedi, dep habarlaıdy aqshamnews.kz
JOBCOACH jobasynyń maqsaty – múgedektigi bar adamdarǵa jumys ornynda qoldaý kórsetý, beıimdeý jáne olardy eńbek etýge yntalandyrý. Joba aıasynda 2025 jyly 300 adamdy qamtý josparlanǵan. Bul bastama 2030 jylǵa deıin jalǵasady dep kútilýde.
Áleýmettik qoldaý sharalary:
Jergilikti búdjetten múgedektigi bar adamdardy qoldaýǵa 15 mlrd teńgeden astam qarjy bólindi.
41 myńnan astam adam qajetti tehnıkalyq quraldarmen jáne ońaltý qyzmetterimen qamtamasyz etildi.
Qosymsha «Invataksı» qyzmetteri usynylady, bul qyzmet memlekettik áleýmettik tapsyrys negizinde 100 avtokólikpen qamtamasyz etiledi.
Bul bastama múmkindigi shekteýli jandardyń ómir sapasyn jaqsartyp, olardy qoǵamǵa belsendi aralasýǵa yntalandyrýǵa baǵyttalǵan mańyzdy qadam bolyp tabylady. «JOBCOACH» jobasy – qoǵamdaǵy ınklúzıvtilik pen teńdikti arttyrý jolyndaǵy úlken úles.