Almaty men Ońtústik Koreıa densaýlyq saqtaý salasyndaǵy ózara túsinistik týraly memorandýmǵa qol qoıdy
Búgin Almaty qalasy Qoǵamdyq densaýlyq saqtaý basqarmasy basshysynyń orynbasary Nazgúl Imanǵalıeva men Pýsan (Koreıa Respýblıkasy) So-gý aýdanynyń meri Gong Han Sý Almaty qalasy Qoǵamdyq densaýlyq saqtaý basqarmasy men Pýsan qalasy So-gý aýdany (Koreıa Respýblıkasy) ákimshiligi arasyndaǵy yntymaqtastyq týraly memorandýmǵa qol qoıdy, dep habarlaıdy Almaty-akshamy.kz.
Kelisim densaýlyq saqtaý salasyndaǵy halyqaralyq yntymaqtastyqty damytýdaǵy mańyzdy qadam. Bul eki el arasyndaǵy qarym-qatynasty nyǵaıtyp, eki eldiń densaýlyq saqtaý salasyn damytýǵa septigin tıgizeri sózsiz.
Mundaı yntymaqtastyq adamdardyń ómir súrý sapasyn jaqsartýǵa, sondaı-aq Almaty men Koreıa Respýblıkasynyń medısınalyq uıymdarynyń tıimdiligin arttyrýǵa yqpal etedi.
Memorandým birlesken is-sharalardy, sonyń ishinde konferensıa, semınar, trenıńterdi jáne densaýlyq saqtaý salasyndaǵy tájirıbe men bilim almasýdyń basqa da nysandaryn qarastyrady. Mundaı is-sharalar eki eldiń mamandaryna aýrýdy emdeý men aldyn alýdyń ozyq tehnologıalary men ádisterin bilýge, tájirıbe men bilim almasýǵa kómektesedi.
Sonymen qatar, taraptar ǵylymı-zertteý jumystary salasynda yntymaqtasady. Bul Almaty men Koreıa Respýblıkasynyń ǵalymdaryna halyq densaýlyǵyn jaqsartýǵa baǵyttalǵan túrli jobalardy birlesip júzege asyrýǵa múmkindik beredi.
Nazgúl Imanǵalıeva atap ótkendeı, Memorandým densaýlyq saqtaý sıaqty mańyzdy salada elder arasyndaǵy yntymaqtastyqtyń jańa kókjıegin ashady.
Eki jaq ta qarym-qatynastyń odan ári nyǵaıýyna úmit bildirip, Memorandýmdy tereńirek ári jan-jaqty seriktestik jolyndaǵy mańyzdy qadam dep sanaıdy.
Jıynǵa Almaty qalasy Qoǵamdyq densaýlyq saqtaý basqarmasynyń ókili, Almaty qalasy ákimi apparatynyń syrtqy baılanystar jáne til bilimi departamenti ókili, «Qazaqstan týrızm ındýstrıasy» tóraǵasy, Pýsan qalasy So-gý aýdany (Koreıa Respýblıkasy) ákimshilik ókilderi men densaýlyq ortalyǵynyń basshysy qatysty