Endi ótinish berý kezinde talapker jataqhana nemese tegin tamaqtaný qajettiligin birden kórsete alady, dep habarlaıdy aqshamnews.kz
Bıyl bul qyzmet jańartyldy. Endi ótinish berý kezinde talapker jataqhana nemese tegin tamaqtaný qajettiligin birden kórsete alady. Sondaı-aq áskerı qyzmetti ótegeni týraly qujatty da tirkeýge bolady.
"Mańyzdy jańashyldyqtardyń biri – oqý ornyn tańdaý kezinde súzgileý mehanızminiń engizilýi. Júıe talapker tańdaǵan parametrler boıynsha oqý aımaǵy, oqytý tili, baǵyt jáne mamandyqtardyń tizimin avtomatty túrde qalyptastyrady. Al "Serpin" baǵdarlamasyna qatysatyn óńirlerdegi aýyl mektepteriniń túlekteri úshin ondaı mehanızm bólek qarastyrylǵan", - delingen resmı habarlamada.
Ár talapker ótinishti bir ret qana bere alady. Tórt túrli kolej ben tórt mamandyq tańdaý múmkindigi bar. Qujattardyń jalpy kólemi 5 megabaıttan aspaýǵa tıis.
Ótinish berý tártibi:
eGov.kz portalynda avtorızasıadan ótý;
"Bilim" bóliminen "Kolejder" sanatyn tańdaý;
"Tehnıkalyq jáne kásiptik, orta bilimnen keıingi bilim berý uıymdaryna qujattar qabyldaý" qyzmetin tańdaý;
barlyq qajetti joldardy toltyryp, qujattardy júkteý;
qyzmetti qoljetimdi ádisterdiń birimen rastaý.
Al qyzmet nátıjesi paıdalanýshynyń jeke kabınetinde "Qyzmetterdi alý tarıhy" bóliminde qoljetimdi bolady. Qyzmet kórsetý merzimi – 3–5 jumys kúni.