Jyl basynan beri áleýmettik qyzmetter portaly arqyly 138 myńnan astam múgedektigi bar adam kómek aldy, dep habarlaıdy almaty-akshamy.kz Eńbek jáne halyqty áleýmettik qorǵaý mınıstrligine silteme jasap.
Atap aıtqanda, 107,3 myń múgedektigi bar adam ońaltýdyń tehnıkalyq quraldaryn, 6,1 myń ymdaý tili jáne 25 myń adam jeke kómekshiniń qyzmetin aldy.
Búgingi kúni portalda arnaýly áleýmettik qyzmetter kórsetetin 849 medısınalyq-áleýmettik mekeme (bólimsheler), 378 OTQ jetkizýshi, 26 myńnan astam jeke kómekshi, 685 ymdaý tili jáne 105 sanatorlyq-kýrorttyq emdeý qyzmetterin jetkizýshi tirkelgen.
Portal múgedektigi bar adamdarǵa ońaltýdyń tehnıkalyq quraldary men qyzmetterin óndirýshini jáne jetkizýshini óz betinshe tańdaýǵa múmkindik beredi. Kómek túrine tapsyrys berý kórsetiletin qyzmetti alýshynyń elektrondyq sıfrlyq qoltańbasymen rastaý arqyly júzege asyrylady. Tapsyrys berilgen ońaltýdyń tehnıkalyq quraldaryn jetkizý nemese óz betinshe áketý arqyly alýǵa bolady.
Aıta ketsek, múgedektigi bar adamdarǵa beriletin ońaltý quraldary – protezdik-ortopedıalyq, sýrdotehnıkalyq, tıflotehnıkalyq jáne gıgıenalyq quraldar, sondaı-aq kreslo-arbalar.
Portaldy paıdalaný boıynsha keńes alý úshin qoldaý baılanys ortalyǵyna, ıaǵnı 1414 biryńǵaı nómirine habarlasýǵa bolady.