Ǵylym jáne joǵary bilim vıse-mınıstri Kamıl Aqatov «Tehnologıalardy komersıalandyrý reaktory» alańynda ǵylymnyń áleýeti týraly aıtty, dep habarlaıdy Almaty-akshamy.kz Azattyq Ruhy-na silteme jasap.
«Ǵylymı qyzmetkerler kúnimen barshańyzdy quttyqtaımyn. Qazir memleket tarapynan ǵylymı-tehnıkalyq qyzmetti kommersıalandyrýǵa nazar aýdarylyp otyr. Ekonomıka sektorynda ǵylymı jobalar júzege asyrylyp jatyr. Memleket basshysy ǵylym elge básekelestik ákeletin jańa tehnologıaly óndiriske baǵyttalatynyn aıtty», – dedi Aqatov.
Vıse-mınıstrdiń aıtýynsha, «Ǵylym jáne tehnologıalyq saıasat» týraly jańa zań jobasy ázirlenip jatyr.
«Ǵylym bıznes jáne óndirispen yqpaldasyp jumys istemek. Bıyl 2029 jylǵa deıin ǵylym jáne joǵary bilimdi damytý tujyrymdamasy ázirlendi. Ǵylymǵa bólinetin granttar jyl saıyn júzege asyrylady. Ǵylymı tehnologıalardyń deńgeıin tekseretin ádister ázirlendi. Bizdiń elimizde ǵylymı-tehnıkalyq pýl bar. «Kommersıalandyrý týraly» zańy aıasynda 225 joba qoldaý tapty», – dedi ol.
Dástúr boıynsha Qazaqstannyń joǵary oqý oryndary men ǴZI ǵalymdaryna bıznesmenderdi, kásipkerlerdi jáne áleýetti ınvestorlardy naryqta olardy odan ári komersıalandyrý boıynsha mámileler jasasý maqsatynda ǵylymı ıdeıalar men ázirlemelerge qyzyqtyrý múmkindigi usynyldy.