Muǵalimge gúl syılaýǵa bolady ma? Bul jaıynda keıingi kezderi úlken talqyǵa salynyp, qoǵam ekige jaryldy. Biri bolady dese, endi biri bolmaıtynyn aıtyp ashynady. Bılik tarapynan da pikirler aıtyldy.
Mine apta sońynda ustazdar kúni atalyp ótedi. Osynaý kúnge ata-analardyń bir parasy qyzý kirisip ketti. Osy oraıda arnaıy tıisti mınıstrlik ókilderi óz oılarymen bólisti.
"Gúl syılaý, jaqsy lebiz bildirý – bizdiń muǵalimderimizge bildiretin alǵys sezimimizdiń belgisi. Mundaı yqylas ustaz eńbeginiń mańyzdylyǵyn kórsetip qana qoımaı, urpaqtar arasyndaǵy syılastyq qarym-qatynasty nyǵaıta túsedi. Aıta ketý kerek, ustazǵa qurmet kórsetý urpaqtar arasynda saqtalyp kele jatqan dástúr", – deıdi Oqý-aǵartý mınıstrliginiń ókili Mereke Amangeldiqyzy.