Erbol Myrzabosynov atalǵan eki sport túrine belgilengen lımıtten asyrmaý, ıaǵnı bólinetin qarjy 1-2 mıllıard kóleminde bolýy tıis ekendigin alǵa tartty, dep habarlaıdy aqshamnews.kz.
«Bizde fýtbol, hokeı sporttarynda arnaıy lımıtter bar. Ol jerde de qazir dene shynyqtyrý jáne sport baǵytyndaǵy zańnamamen jumys atqaryp jatyrmyz. Bul jerde biz qazir lımıtter máselesin kóterýdemiz. Keıbir óńirlerde 1-2 mıllıardtan asyrmaý máselesi bar. Biraq kóp óńirler ol shekteýdi buzady. Sondyqtan biz qazir fýtbolǵa, hokeıge qandaı búdjettik lımıtter ornatamyz dep qarap jatyrmyz», - dedi mınıstr.
Myrzabosynov fýtbol men hokeıge bólingen búdjettiń lımıtteri 1-2 mıllıardtan qysqarmaıtynyn atap ótti.
«Fýtboldy bilesiz ǵoı, qandaı qarajat jumsalady. Búgingi kúni bizdegi málimetter boıynsha biraz óńirlerde 3-4 mıllıardqa jetip ketken. Biz sony 1-2 mıllıardtyń shamasyna túsirýdi oılastyryp jatyrmyz, ol da áli zertteledi, analız jasalady», - dedi Erbol Myrzabosynov.